颱風嘅威力!近半世紀香港5大最具殺傷力颱風連傷亡數字 有人被活埋 巨輪沖上海灘

颱風嘅威力!近半世紀香港5大最具殺傷力颱風連傷亡數字 有人被活埋 巨輪沖上海灘

Hong Kong 香港食玩
By PressLogic on 14 Sep 2018

近日大家都討論緊「星期日應該會掛8號波喎」、「星期一有機唔洗返工返學喎」等等。好多人都會覺得可以襯呢個機會好好休息一日,不過另一邊廂都有一班人係需要繼續為香港市民努力返工,而香港某啲地方,例如低窪地區嘅居民,每到打風嘅時候都好易水浸,家園被破壞。其實颱風嘅威力,真係不容忽視㗎!一齊睇吓5個香港最具殺傷力嘅颱風同喇!

香港史上最強勁嘅颱風為1906年嘅丙午風災同1937年嘅丁丑風災,均造成數千至萬餘嘅死傷。

第5位 - 愛倫(1976年)

死:27 傷:65 失蹤:3

曾經有2個風球都起名為「愛倫」,一個係造成10死12失蹤333傷,1983年愛倫。另一個就係1976年嘅愛倫,令全港有多處地方山泥傾瀉,有一見雜貨店東主嘅5名幾個月至7歲大嘅子女,不幸被活埋喪命。

第4位 - 露比(1964年)

死:38 傷:300 失蹤:14

天文台
Photo from 天文台

當年露比令長洲造成嚴重破壞,有一艘重逾1萬噸嘅巨輪號被沖上海灘,有幾十間木屋被吹毀,2百幾名居民無家可歸。低窪地區嘅木屋更有16間全座被吹至倒塌。

第3位 - 瑪麗(1960年)

死:45 傷:127 失蹤:11

瑪麗直吹香港,天文台率先連續懸掛51個鐘頭27分鐘嘅八號東北烈風或暴風信號,橫跨4日,後期再分別懸掛八號東南烈風或暴風信號、九號烈風或暴風增強信號、十號颶風信號及八號西南烈風或暴風信號。

網上圖片
Photo from 網上圖片

當年瑪麗嘅風向突然轉變,強烈影響到長洲漁民,當地有十幾間嘅房屋同店舖,仲有3座牌坊喺強風中倒塌。

第2位 - 露絲(1971年)

死:110 傷:286 失蹤:50

天文台
Photo from 天文台

露絲橫過香港,造成維多利亞港內嘅船隻嚴重受損,而來往港澳嘅客輪「佛山號」原本停靠喺馬灣避風,卻不幸被露絲吹翻沉沒,造成88人死亡,係二戰後香港死亡人數最多嘅海難。

天文台
Photo from 天文台

而陸上就有5千多個人無家可歸,超過100個地方有山泥傾瀉,3萬條電話線失靈。觀塘一個變壓站仲喺晚上發生火警,喺強風下,火勢一度未能受到控制,令新界九龍地區廣泛停電。

第1位- 溫黛(1962年)

死:183 傷:388 失蹤:108

天文台
Photo from 天文台

當年天文台錄得每小時平均風速高達133公里,係二戰之後嘅十號風球之冠。溫黛將海水推進吐露港,令沙田、馬料水、大埔一帶幾乎被摧毀。

天文台
Photo from 天文台

沙田大概有3000家寮屋區損毀,市區內有700多間寮屋同天台木屋完全地摧毀、近1300隻小艇毀壞或翻沉、唔少農作物被破壞。

天文台
Photo from 天文台

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到[email protected],直接將資料傳比小編)


Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 [email protected]比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic

Share to Facebook