全球9個熱帶氣旋同時出現!9旋環繞地球一圈 專家:現象唔正常!

全球9個熱帶氣旋同時出現!9旋環繞地球一圈 專家:現象唔正常!

Life 本地生活 · HotTalk 熱門話題
By PressLogic on 14 Sep 2018

相信最近大家一上網或打開電視,睇得最多嘅必定係有關颱風嘅資訊!除咗最強颱風「山竹」逐漸迫近香港,美國亦同樣受颶風「佛羅倫斯」影響,需緊急疏散過百民居民,真係咪話唔擔心啊!不過當中最恐怖嘅係,原來近日全球出現咗足足9個熱帶氣旋,真係嚇死人啦!

FB@香港天文台
Photo from [email protected]香港天文台

香港繼「百里嘉」掀起3號風球後,最強颱風「山竹」又準備吹埋嚟啦!而近日Jamaica Weather仲發現,有9個熱帶氣旋正分布喺太平洋及大西洋熱帶地區,圖中仲發現9個熱帶氣旋要可以連成一線,現象極唔尋常!

Jamaica Weather
Photo from Jamaica Weather

9個熱帶氣旋當中除咗包括大家最近都非常關心嘅「百里嘉」、「山竹」同「佛羅倫斯」外,仲有尾隨「山竹」嘅「Invest 91W」、喺北太平洋並正吹襲夏威夷嘅「奧利維婭」、正逼近墨西哥嘅「保羅」、潛在墨西哥灣嘅「Invest 95L」、隨「佛羅倫斯」後嘅「艾薩克斯」以及「海倫」,淨係睇圖都嚇一嚇!

Jamaica Weather
Photo from Jamaica Weather

喱個奇怪現象除惹嚟一班天文愛好者嘅討論外,科羅拉多州立大學研究科學家克洛茨巴赫亦都話,太平洋以及大西洋同時出現多個活躍氣旋嘅現象並唔尋常,而且自今年風季以來,大西洋已出現9個獲命名嘅颶風,較往年平均多!

FB@NOAA
Photo from [email protected]

近日香港開始做防預措施、澳門出現搶購潮外,美國東南沿岸當局亦已命令百萬人疏散,仲有泰碧島居民加緊做準備、颶風海倫令夏威夷住宅遭洪水破壞等等,颱風幾乎令多個地方都緊張起嚟!所以除咗關心星期一洗唔洗準時返工之外,都要留意受影響嘅居民,以及真係要好好多謝颱風下仲要返工嘅人啊!

Shutterstock
Photo from Shutterstock

雖然9個颱風唔會全部都吹嚟香港,但值得關心嘅係喱種奇怪現象嘅出現,證明大家都要開始留意地球氣候變化為大家帶嚟嘅啟示,多啲為地球出一分力,好好愛護環境啦!

圖片來源:[email protected]Jamaica Weather[email protected]NOAA、Shutterstock、[email protected]香港天文台 HKO

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到[email protected],直接將資料傳比小編)


Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 [email protected]比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic

Share to Facebook