download HolidaySmart 假期日常 app
《惡作劇之吻》翻拍成電影 王大陸飾演直樹!細數歷代「直樹」!

《惡作劇之吻》翻拍成電影 王大陸飾演直樹!細數歷代「直樹」!

生活熱話 電視電影
By Heidi on 21 Sep 2018
Digital Editor

《惡作劇之吻》第八度翻拍!呢次係由王大陸同林允主嘅電影,分別飾演江直樹同原湘琴,電影預計會喺出年情人節上映。近排網上曝光咗10秒鐘嘅預告片,有唔少網民都認為王大陸適合做「阿金」多過「直樹」,仲話呢個版本係「毀經典」。

weiboPhoto from weibo
weiboPhoto from weibo

其實《惡作劇之吻》20年嚟不斷翻拍,日本、韓國、台灣、大陸、甚至泰國都拍過。宜家就同大家重溫各個版本嘅男神「直樹」啦!

1. 1996年 日版《一吻定情》
呢個版本大家可能有啲陌生,但當年真係紅遍亞洲,飾演「入江直樹」嘅柏原崇被稱為「世紀末美少年」,學霸氣質加上精緻嘅五官令好多劇迷都認為佢就係「入江直樹」本人。呢套劇仲令柏原崇同飾演「相原琴子」嘅佐藤藍子喺亞洲爆紅。

一吻定情Photo from 一吻定情
weiboPhoto from weibo

2. 2005、2007 台版《惡作劇之吻》、《惡作劇2吻》
呢個版本大家一定都好熟啦,一提起《惡作劇之吻》,第一時間就係諗起鄭元暢同林依晨。鄭元暢版嘅「直樹」雖然表面對「湘琴」好冷漠,但其實好關心佢,成日暗地裏照顧佢。好多觀眾都因為呢套劇,迷上咗鄭元暢。
IMDbPhoto from IMDb

3. 2010 韓版《惡作劇之吻》
韓版男女主角分別係金賢重同庭沼珉,呢套劇係開播前就引起唔少話題。但開播後,有唔少觀眾都認為主演演技唔夠好,有人亦覺得佢演嘅「直樹」太冷漠,唔似鍾意「湘琴」。
IMDbPhoto from IMDb
IMDbPhoto from IMDb

4. 2013、2014 日版《一吻定情~LOVE IN TOKYO》
呢個版本開播前,好多人都唔睇好,覺得男主角古川雄輝唔夠靚仔,而且唔會超越到柏原崇版本。但開播後,好多人都被古川雄輝嘅氣質深深吸引,因為佢唔單止高大有氣質,仲真係一個學霸,簡直係現實中嘅「入江直樹」。
IMDbPhoto from IMDb
IMDbPhoto from IMDb

5. 2015 泰版《KISS ME》
泰版男主角係 Mike D. Angelo,男主角同以往「直樹」嘅形象好唔一樣,唔係斯文學霸,反而染咗成頭金髮,好多觀眾都接受唔到咁「MK」嘅「直樹」,唔知你又接唔接受到呢?
Kiss MePhoto from Kiss Me
Kiss MePhoto from Kiss Me

6. 2016 日版電影《一吻定情》
呢套電影係日本第三度翻拍,男主角係佐藤寬太。佐藤寬太為咗忠於原著形象,由造型到打網球都落咗唔少苦功,加上佢181cm嘅身高,都成功俘虜到唔少少女。
一吻定情Photo from 一吻定情
一吻定情Photo from 一吻定情

7. 2016 台版網劇《惡作劇之吻 MAN IN KISS》
呢套網劇男主角係《我的少女時代》嘅「歐陽非凡」李玉璽所飾演,但係就有觀眾覺得佢飾演嘅「直樹」太油膩,唔係好演到「直樹」嘅高冷。
IMDbPhoto from IMDb

8. 2019 內地電影 《一吻定情》
呢次係陳玉珊同王大陸繼《我的少女時代》之後再次合作,有人好期待但有人就唔睇好。
weiboPhoto from weibo

唔知你地又最中意邊個版本嘅「直樹」呢?

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel