研究：聞男朋友氣味可減壓！太忙無得見唔緊要 至少留件衫比我聞下啊！

唔知有無人同小編一樣變態，中意聞另一半嘅味道呢？相信大部分女仔都試過啊！聞完之後雖然會比另一半話變態，不過唔知大家又覺唔覺得聞完之後，好似個人都開心咗咁呢？原來呢種抒壓嘅感覺，都真係有研究證明㗎！

Photo from Shutterstock

根據一份由加拿大英屬哥倫比亞大學發表嘅研究顯示，當一個人感到精神緊張、大壓力、身心繃緊時，只要聞一聞另一半嘅味道，就可以紓緩上述嘅負面情緒㗎啦！而且仲唔一定要見面先有效，單靠衣物都一樣無問題！

Photo from Shutterstock

心理系博士生霍夫(Marlise Hofer)起初發現，當另一半唔喺身邊嘅時候，大部分人都會傾向瞓另一半枕頭、着對方件衫等等，原來並唔係無根據㗎！

Photo from Shutterstock

霍夫其後請咗接近100對情侶參與研究，男生要求喺唔用任何附有氣味嘅產品下，着上純白色衫一日，藉此喺衫上留低各男生氣味，之後會喺5個鐘內送到實驗室內作「氣味冰凍處理」。

Photo from Shutterstock

而女生會進行盲測，霍夫分別為每個女生提供3件帶有唔同氣味嘅衣服，包括自己伴侶氣味、陌生人氣味、以及一件無任何氣味嘅衣服。然後霍夫會喺女生聞衣服嘅前、中、後3個階段，向各女生施加心理壓力，再進行壓力分析。

Photo from Shutterstock

最後研究發現，女生喺聞到另一半氣味時，由於某到熟悉嘅味道，而且係自己深愛嘅人，因此壓力指數會明顯下降！

Photo from Shutterstock

所以如果大家同另一半唔太常見面，或有需要同伴侶分開一段時間，記得問另一半拎幾件衫啊！間唔中聞下，連個人都身心舒暢啲啊！

圖片來源：Shutterstock

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）