download HolidaySmart 假期日常 app
又燒着荷包啦!下北澤一日遊!古著/雜貨/黑膠唱片/祭典 尋寶必去聖地!

又燒着荷包啦!下北澤一日遊!古著/雜貨/黑膠唱片/祭典 尋寶必去聖地!

日本旅遊
By Jackie on 21 Sep 2018
Digital Editor

去日本除咗去啲受歡迎景點打卡影相外,去悶咗都應該搵啲少人去嘅地方行下!特別係景點太人多擠迫,大商場又只得國際品牌,如果大家中意捐窿捐罅搵古著、文青事物,下北澤喱個地方必地啱曬大家!特別係年青人去到,肯定燒着你荷包啊!

ShutterstockPhoto from Shutterstock

如果大家自問熱愛行古著店、唱片店、劇場、有特色店舖等,又想遠離熱門景點,咁就記得草定錢去下北澤啦!下北澤呢個地方雖看似古舊,完全唔係遊客中意嘅地方,而事實上下北澤都比較少香港人到訪,但只要你係熱愛復古衣物、文青生活嘅年青人,下北澤對你而言絕對係必到寶地啊!

ShutterstockPhoto from Shutterstock

下北澤位於東京市西側,由於較近明治大學同東京大學,因此一向都係年青人嘅集中地。而且仲多次於以年輕人為主嘅「最宜居住城市」調查中,排名前3位!當中最引人注目嘅當然係日本古着、70年代雜貨、舊玩具店等,逐漸發展成為一個充滿文藝情懷嘅小城市。

ShutterstockPhoto from Shutterstock

如果大家到下北澤閒逛,當中可分為「下北澤北口商店街」及「下北澤南口商店街」2大區。下北澤北口商店街主要以咖啡店、二手古著服飾為主,而南口多為居酒屋、懷舊雜貨店、美食等為主,如果有幸仲要見到有唔少人表演Live Show添!

ShutterstockPhoto from Shutterstock

ShutterstockPhoto from Shutterstock

如果大家喜歡懷舊復古服飾,北口嘅古著商店絕對會燒到你荷包無曬錢!原因除咗靚同日本製之外,價錢都絕對令你發狂!喺香港隨時過千蚊一件嘅古著,喺下北澤可能2、3百蚊已有交易,只要大家花啲心思慢慢行周圍搵,必定有啱心水服飾,所以勸大家帶多啲錢去為妙啊!

ShutterstockPhoto from Shutterstock

除咗古著服飾,唱片店、音樂都係下北澤嘅一大特色,除咗有可容納幾百人嘅LIVE HOUSE,仲有出售黑膠碟嘅唱片舖、售賣日本獨立音樂CD嘅咖啡廳、書店等,仲會不時舉行音樂祭,中意日本音樂嘅朋友都應該要嚟下北澤啊!

ShutterstockPhoto from Shutterstock

下北澤每年7月都會舉行「下北澤音樂祭」,當中會串連唔到下北澤LIVE HOUSE、唱片行、咖啡店、劇場等一同舉行街道式嘅音樂祭,到時一定會超熱鬧又有氣氛!

下北澤音樂祭官網Photo from 下北澤音樂祭官網

下北澤音樂祭官網Photo from 下北澤音樂祭官網

2月仲有「下北澤演劇祭」,以位於下北澤嘅本多劇場為首,聯同當地多個劇場及團體,喺2百多個舞台上舉行演劇祭!

下北澤演劇祭官網Photo from 下北澤演劇祭官網

而8月嘅「下北澤夏祭」,當然唔少得煙花、浴衣、跳舞、音樂啦,完全可以體驗日本傳統祭典嘅樂趣啊!

ShutterstockPhoto from Shutterstock

ShutterstockPhoto from Shutterstock

至於9月「下北澤八幡神社例大祭」,大家仲有機會抬神轎、唱歌等,諗起都令人興奮!咁多豐富活動,記得睇準時間去大開眼界啊!

如果大家有興趣到下北澤,交通都非常方便!大家可乘搭小田急電鐵嘅小田原線,或乘搭京王電鐵嘅井之頭線,於下北澤落車便可!

圖片來源:Shutterstock、下北澤演劇祭官網下北澤音樂祭官網

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)
*本文章的圖片均經其本人或其公司授權,其他媒體不得轉載

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel