鐮倉一日遊懶人包!一文睇曬交通+5大特色景點 多個電影/動畫朝聖地!

鐮倉一日遊懶人包!一文睇曬交通+5大特色景點 多個電影/動畫朝聖地!

Japan 日本遊樂 · Kanto 關東
By PressLogic on 03 Oct 2018

如果大家有睇是枝裕和嘅《海街日記》,又或是喺今年年頭於香港上映嘅《鐮倉物語》,相信對鐮倉呢個地方都唔陌生!鐮倉雖然無《鐮倉物語》入面嘅妖怪、幽靈睇,但都係一個值得去嘅東京近郊地嚟㗎!

Shutterstock
Photo from Shutterstock

鐮倉距離東京市區約一小時車程,遠離都市環境,而且當中嘅懷舊街道、神社、住屋都極具日本古老風味,可以話係東京渡假必去地!若然大家都懶得Plan行程,不妨跟住以下景點,喺鐮倉玩一日再即天返東京啦!

Shutterstock
Photo from Shutterstock

交通 1:從池袋、新宿、澀谷出發
如果由池袋、新宿、澀谷出發的話,可以搭「JR湘南新宿線」逗子方向直達鐮倉駅,途中唔需要轉車。但如果搭錯國府津、小田原方向,就需要喺大船駅轉乘「JR橫須賀線」到鐮倉啦!車程時間約一小時左右,不論池袋、新宿定澀谷,票價同樣都係920円(約港幣63元)。

JP東日本官網
Photo from JP東日本官網

如果由新宿出發,其實仲有另一個方法遊鐮倉!大家可以購買「江之島-鐮倉周遊券」,從小田急線嘅新宿駅出發,到藤澤駅轉江之電電車,便可到達鐮倉!價錢亦都相對較平,從新宿出發為1,470円(約港幣101元),從町田出發為1,020円(約港幣70元),從藤澤出發為610円(約港幣42元),當中包新宿往返藤澤來回車票,以及江之電電車一日自由上落車,所以同樣推薦大家買周遊券!

小田急電鐵官網
Photo from 小田急電鐵官網

有興趣買「江之島-鐮倉周遊券」,大家只要喺「小田急旅遊服務中心」或小田急線各車站嘅「自動售票機」買就得㗎啦,而且仲有唔同門票、餐飲折扣優惠!

小田急電鐵官網
Photo from 小田急電鐵官網

交通 2:從東京、品川出發
如果由東京、品川出發,就可以坐「JR橫須賀線」直達!車程時間約一小時之內,東京駅出發票價為920円(約港幣63元),而品川駅出發票價為720円(約港幣50元)。

JP東日本官網
Photo from JP東日本官網

交通 3:從成田機場、羽田機場出發
從成田機場出發的話可以坐「N'EX 成田特快」直出大船駅,然後從大船駅轉乘「JR湘南新宿線」約10分鐘車程便可到達鐮倉駅,車程共約1小時多。如果大家有買「N'EX 優惠來回車票」,仲可以喺大船駅免費轉乘「JR橫須賀線」到鐮倉駅添!

JP東日本官網
Photo from JP東日本官網

JP東日本官網
Photo from JP東日本官網

而羽田機場到鐮倉的話,由於無直達交通,會比較麻煩,建議大家可能先去市區景點玩一日,另一日再從住宿到鐮倉玩。但如果有需要從羽田機場到鐮倉,可以先搭「京急電鐵」到橫濱車駅,再轉乘「JR湘南新宿線」或「JR橫須賀線」到鐮倉,車程同樣都係約1小時。

羽田機場交通指南官網
Photo from 羽田機場交通指南官網

計畫往返時間
由於鐮倉喺近郊地區,車程需要1小時或以上,所以大家最好前一晚早啲瞓,當日大約要早上8點幾由住宿出發㗎啦!去到鐮倉大約9點幾10點,最後可以預大約6點約7點多離開鐮倉,返到市區都已經8點幾9點,唔會因預錯時間而太夜出市區,加上玩咗接近10個鐘都絕對超滿足!

Shutterstock
Photo from Shutterstock

到鐮倉之後,究竟有咩必去景點呢?其實每個人去旅行想睇嘅嘢都唔同,唔可能有個完美行程滿足曬所有人,所以小編為大家介紹以下值得去嘅鐮倉景點,大家可以隨個人喜好揀自己中意嘅地方,好好喺鐮倉享受悠閒時光啦!

Shutterstock
Photo from Shutterstock

景點 1:購物勝地 — 小町通
乘坐江之電前往鐮倉站,就可以去小町通購物啦!只要大家從鐮倉站東出口,步行約1分鐘就到小町通商店街㗎啦,當中有好多特色雜貨,而呢度亦係鎌倉最熱鬧嘅街道,終點為鶴岡八幡宮,大家可以先去小町通商店街購物,再到鶴岡八幡宮參觀,然後順若宮大路返鐮倉車站。

Shutterstock
Photo from Shutterstock

除咗雜貨,小町通內仲有好多大大小小嘅特色商店同餐廳,例如精品店Melting Pot、專賣帽子嘅鐮倉帽子店、必吃蛋糕店Iwata Coffee、雪糕店鐮倉茶茶等,真係行到唔捨得走啊!

Shutterstock
Photo from Shutterstock

如果你係宮崎駿迷,就一定要去小町通內嘅橡子共和國啦!入面有多套宮崎駿動畫嘅吉卜力專門店,如《魔女宅急便》、《龍貓》、《千與千尋》、《哈爾移動城堡》等,宮崎駿迷準備燒錢啦!

FB@どんぐり共和国
Photo from [email protected]どんぐり共和国

FB@どんぐり共和国
Photo from [email protected]どんぐり共和国

小町通
地址:神奈川縣鎌倉市小町2-8

景點 2:鐮倉最著名神社 — 鶴岡八幡宮
到鐮倉一遊,當然要去一啲著名景點啦,而鶴岡八幡宮簡直係鐮倉必訪神社啊!從鐮倉駅徒步約10分鐘便可到達神社,鶴岡八幡宮於1063年由源賴義建造,於1180年由鎌倉幕府嘅創始人,兼第一位將軍源賴朝擴建,並搬到現址。

Shutterstock
Photo from Shutterstock

鶴岡八幡宮更有守護關東地區嘅神靈之稱,被認為係成個國家嘅守護神,亦成為武士們嘅起源地,所以嚟鶴岡八幡宮參觀,絕對可以感受到濃厚嘅日本歷史風情!

Shutterstock
Photo from Shutterstock

地址:神奈川縣鎌倉市雪ノ下2丁目1-31
門票:免費
官網:https://www.hachimangu.or.jp/

景點 3:搭「江之電」遊鐮倉 成為電影中的主角!
「江之電」可謂鐮倉必搭!大家可以買「江之電1日乘車券」,大家可於一日內自由來往藤澤與鎌倉區,一共15個站,途經多個著名景點,如長谷站嘅鐮倉大佛、江之島站嘅片瀨江之島、鐮倉高校前站等。成人價錢為600円(約港幣41元),兒童則有半價,車票可以喺江之電各站售票機購買。

Shutterstock
Photo from Shutterstock

另外仲有個必搭原因,就係不論電影定動畫,每每以鐮倉取材,都必定會有江之電電車嘅出現!例如《鐮倉物語》中,堺雅人飾演嘅一色正和,就係坐上江之電已退役嘅108號列車去黃泉救妻㗎啦!

Shutterstock
Photo from Shutterstock

鎌倉高校前站
除此之外,仲有動畫《灌籃高手》當中,櫻木花道與赤木晴子打招呼呢幕經典畫面,就係參考江之電沿途會停靠嘅「鎌倉高校前」車站!

Shutterstock
Photo from Shutterstock

極樂寺站
而日本著名導演是枝裕和所執導嘅《海街日記》,二家姐佳乃同小鈴趕住返工返學,跑去車站趕車一幕,就係喺「極樂寺車站」拍㗎啦!喱個木造車站亦都喺電視劇《倒數第二次戀愛》中多次出現,外貌古樸懷舊,打卡影相都超靚啊!

Shutterstock
Photo from Shutterstock

Shutterstock
Photo from Shutterstock

景點 4:報國寺
報國寺於1334年創建,當中嘅竹林設計超有名同吸引,非常值得入去參觀同影相打卡!而且寺廟中嘅日式古舊設計同樣超靚啊!

報國寺官網
Photo from 報國寺官網

報國寺官網
Photo from 報國寺官網

大家有興趣的話可以從JR鐮倉駅,乘坐前往遊樂場方向嘅巴士約9分鐘,喺「淨妙寺」落車行3分鐘就到㗎啦!

報國寺官網
Photo from 報國寺官網

地址:鎌倉市淨明寺2丁目7番4號
開放時間:9am-4pm (每年12月29-3月1日休息)
門票:200円(約港幣13元) / 茶點 500円(約港幣34元)
官網:http://www.houkokuji.or.jp/

景點 5:稻村崎沙灘 「神奈川景勝50選」+「關東富士見百景」
接近傍晚時分,大家絕對要去稻村崎睇風景啊!有睇過《海街日記》嘅朋友對呢度絕對唔會陌生,其實大家姐幸同椎名就係坐喺稻村崎海岸附近樓梯長談㗎啦!大家只要乘搭江之電電車於「稻村崎站」落車,再步行約3分鐘就到㗎啦!

Shutterstock
Photo from Shutterstock

由於稻村崎沙灘嘅砂質含鐵量與附近海岸有別,所以會呈較深嘅顏色,相當特別。另外,如果入夜時分到稻村崎沙灘嘅朋友,記得到稻村崎海岸線上嘅公園睇日落啊,當中所見嘅風景唔單止被選為「神奈川景勝50選」,更被列入「關東富士見百景」!

Shutterstock
Photo from Shutterstock

喺公園上可一覽江之島景色,天氣好嘅話仲可以見到富士山㗎!可謂鐮倉一大絕景!

Shutterstock
Photo from Shutterstock

地址:神奈川縣鎌倉市稻村崎1丁目

鍾情日本電影或動畫,又或者係中意近郊遊,遠離市區嘅朋友,去東京嘅時候記得將鐮倉納入行程之內啦!

圖片來源:Shutterstock、[email protected]どんぐり共和国報國寺官網JR東日本官網小田急電鐵官網羽田機場交通指南官網

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到[email protected],直接將資料傳比小編)


Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 [email protected]比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic

Share to Facebook