感受澳門異國風 必去葡韻嘉年華+2大文化盛事

感受澳門異國風 必去葡韻嘉年華+2大文化盛事

HotTalk 熱門話題 · Macau 澳門指南
By PressLogic on 05 Oct 2018

澳門係國際文化大都會,喺民風、飲食、音樂等多方面都匯聚中華同葡語國家文化。香港人平時遊澳門多數以觀光玩樂為主,要深度接觸澳門嘅異國文化就唔容易,不過嚟梗十月,機會嚟啦!事關澳門十月份將舉行「第二十一屆葡韻嘉年華」、「第三十二屆澳門國際音樂節」同「澳門美高梅德國啤酒節」三大盛事,集吃喝玩樂、宣揚多國文化於一身,就等小編率先帶大家睇下有幾好玩啦!

「葡韻嘉年華」係由澳門文化局、旅遊局及民政總署合辦嘅每年一度大型文化活動,源於慶祝「葡僑日」同推動中葡文化交流,等大家認識澳門嘅葡風一面!

今年葡韻嘉年華踏入第21屆,將會喺充滿葡萄牙建築特色嘅「龍環葡韻」舉行,集結唔同葡語系國家及地區嘅文化節目同美食、遊戲,同大家「文化大交流」,即使身在澳門都好似去咗外國旅行一樣!

Photo from 澳門特別行政區政府文化局

嘉年華一連三日邀請來自唔同世界各地嘅十個居澳門葡語系社群,除咗巴西、葡萄牙,更有港人較少聽到嘅冷門國家,好似安哥拉、佛得角、莫桑比克、幾內亞比紹、東帝汶等設置攤位,向大家展示佢哋嘅傳統音樂、手工藝、服飾、文學書籍、地道小食等,絕對令人眼界大開!

Photo from 澳門特別行政區政府文化局

更精彩嘅係,九個來自唔同地域及本地嘅葡語表演藝團,仲會喺龍環葡韻圓形劇場及嘉模教堂前舞台,表演輕音樂同特色歌舞。大家仲可以參與葡國傳統遊戲,好似爬竹竿、大腳八、跳麻包等。而且到咗午餐及晚餐時段,仲有風味燒烤同地道菜餚,等你邊食邊睇Show!

澳門特別行政區政府旅遊局
Photo from 澳門特別行政區政府文化局

澳門特別行政區政府旅遊局
Photo from 澳門特別行政區政府文化局

嘉年華節目豐富,遊客可以由身體到舌尖感受葡語各國文化,熱愛異國文化嘅你千祈唔好錯過啦!

未夠喉?不妨去埋同樣喺十月舉行嘅「第三十二屆澳門國際音樂節」同「澳門美高梅德國啤酒節」,盡情投入歐陸音樂同美酒佳餚!

今年澳門國際音樂節以「及時行.樂」為主題,來自歐洲、牙買加嘅音樂大師會上演共22場浪漫歌劇,無論係舒曼交響曲西班牙佛朗明哥倫巴、葡萄牙法多定意大利歌劇都有得欣賞,等大家大飽耳福,用耳朵感受各國醉人情懷

Photo from 澳門特別行政區政府文化局 ©Matthias Creutziger

而鍾意熱鬧又為食嘅朋友就一定要去埋「澳門美高梅德國啤酒節」!一如以往,場內猶如置身巴伐利亞,大家可以暢飲德國盧雲堡啤酒(Löwenbräu)或其他特調無酒精飲品,品嚐德國傳統小吃。現場仲有樂隊表演,等大家High爆嘆盡啤酒美食!

N01
Photo from 美高梅

08
Photo from 美高梅

第二十一屆葡韻嘉年華

日期:10月19日-21日

地點:澳門氹仔龍環葡韻

活動詳情:http://www.icm.gov.mo/cn/events/detail/7336

第三十二屆澳門國際音樂節

日期:即日-10月28日

官方網站:www.icm.gov.mo/fimm

購票網站:www.macauticket.com

澳門美高梅德國啤酒節 2018

日期:10月18-20日、22-29日

時間:下午6時至凌晨12時

地點:澳門路氹美獅美高梅一樓平台

官方網站:https://www.mgm.mo/zh-hant/cotai/entertainment/oktoberfest-2018

更多澳門的旅遊資訊可瀏覽 感受澳門Facebook  experiencemacao.hk Instagram

Presented By 澳門特別行政區政府旅遊局

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到[email protected],直接將資料傳比小編)


Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 [email protected]比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic

Share to Facebook