【嫁到這世界邊端2】嘻嘻哈哈就一世 的士大叔超寵老婆 有承擔 為愛打兩份工:佢唔靚 身材唔好 但佢心地好好

【嫁到這世界邊端2】嘻嘻哈哈就一世 的士大叔超寵老婆 有承擔 為愛打兩份工:佢唔靚 身材唔好 但佢心地好好

Hong Kong 香港食玩 · Life 本地生活 · HotTalk 熱門話題
By PressLogic on 11 Oct 2018

上一輯嘅《嫁到這世界邊端》大受好評,今個星期黎到第二輯,星期一二晚就播出身患重病嘅香港女仔秋仔嫁到韓國,老公嘅父母本來非常反對,但係老公堅持要娶老婆返屋企,最後秋仔開朗活潑嘅性格最終感動到老爺奶奶。琴晚(三)播出嘅呢集,同樣係「港女嫁到去韓國」!今次嘅故事就無咁虐心啦,反而係非常搞笑甜蜜,一路睇會一路覺得呢對夫婦真係好sweet!

mytv截圖
Photo from mytv截圖

相識經過

mytv截圖
Photo from mytv截圖

話說我哋嘅「港女」Joan,係一位可愛嘅女生,之前因為睇咗《來自星星的你》而愛上金秀賢,而且陷入瘋狂狀態,仲話愛到要嫁俾佢咁濟㗎啦!

mytv截圖
Photo from mytv截圖

追星追到去韓國,有一次,Joan同其他fans去到韓國,朋友就話想行街,而Joan就想返酒店,於是乎Joan就自己去截的士,而嗰架的士就係佢依家嘅老公阿Tom啦!

mytv截圖
Photo from mytv截圖

mytv截圖
Photo from mytv截圖

呢種緣分有幾難得先會遇到你話。上到的士,阿Tom就問Joan幾多歲,聽返Joan講原來韓國人好興一見面就問人年齡。Joan就覺得自己係香港人,幾多歲關對方咩事,所以實質37歲嘅Joan就回答對方自己係27歲啦!

mytv截圖
Photo from mytv截圖

然後阿Tom就俾咗自己嘅call車卡片Joan,Joan就覺得肯定係因為自己「27歲後生女」所以就即刻俾電話自己。

mytv截圖
Photo from mytv截圖

最可愛嘅係,問返大叔阿Tom呢件事嘅時候,佢就打死都唔認自己其實對Joan有意思,話係因為覺得Joan係長途客,咁以後就有生意做,仲係咁話係Joan主動表達愛意,主動send message話:「我愛你我想你」咁樣,Joan就一臉錯愕然後否認。

mytv截圖
Photo from mytv截圖

溝通全靠Google大神

mytv截圖
Photo from mytv截圖

咁到底係邊個主動先就羅生門啦,只係知道Joan返到香港之後,兩個非常痴纏日日send message,但係留意返其實Joan當時係仲未識韓文㗎~咁點樣溝通呢?正所謂Google Translate,語言無障礙!不厭其煩地translate完再copy再send,就係咁樣不停重複。

mytv截圖
Photo from mytv截圖

荀盤大叔不愛靚韓妹 獨愛純天然乖乖女

呢種旅行認識仲要係的士上面認識嘅外國阿叔,Joan嘅朋友都好擔心佢識錯人。而主持人陳貝兒就表示原來當時40歲嘅大叔阿Tom係有車有樓有肌肉嘅荀盤黎!

mytv截圖
Photo from mytv截圖

Joan並唔係「典型美女」嘅外形,咁點解當呢位荀盤平日遇上咁多漂亮嘅韓國女仔都無動於衷呢?原來係因為佢唔鍾意韓國女仔嘅生活習慣,例如吸煙、飲酒、夜返、成日去玩,仲表示自己係非常唔喜歡呢啲行為。而呢啲習慣正正就係Joan唔會做嘅。

mytv截圖
Photo from mytv截圖

而且大叔仲話唔鍾意韓國女仔成日整容,反而覺得Joan純天然好好,仲好直接話鍾意佢唔係因為佢靚,但係佢就非常可愛。而Joan並無介意老公話自己唔靚,反而搞笑話:「辛苦你啦」

mytv截圖
Photo from mytv截圖

其實喺Joan同Tom嘅互動相處之間,都睇得出呢對夫妻嘅可愛相處之道。開頭Joan介紹老公俾主持陳貝兒認識嘅時候,陳貝兒就叫對方做Oppa(哥哥),但係Joan就話自己老公阿Tom係Ajeossi(大叔),然後阿Tom表情僵硬,任由老婆介紹自己做大叔,然後就再同陳貝兒自介:「Tom...Tom」老婆係隔離笑得好開心。

mytv截圖
Photo from mytv截圖

大叔愛屋及烏

mytv截圖
Photo from mytv截圖

大叔性格都好好,非常愛屋及烏,見到無花果好靚就買一盒,托Joan帶返香港送俾媽咪。Joan啲朋友都話阿叔係個好男人,會主動去機場接佢哋。連主持人陳貝兒都話食飯嗰陣,大叔拿拿聲包好個生菜包俾陳貝兒食。

另一番浪漫嘅「求婚」過程

mytv截圖
Photo from mytv截圖

小編自己覺得雖然唔係搞到好大,即係嗰啲call晒你有生以來嘅朋友親戚隔離鄰舍黎,然後成地氣球跪晒地嗰啲,但就係咁簡單嘅一句,背後嘅意義已經好有震撼力!兩人拍拖一年幾,有一次Joan媽咪黎到韓國,大叔就突然同Joan媽咪講:「Mum!登登登登」(結婚進行曲頭4粒音)同一時間俾到驚喜Joan,又問準Joan媽咪意見,其實都係另一番浪漫啊~

大叔在婚禮上感動姐妹嘅一番說話

mytv截圖
Photo from mytv截圖

Joan嘅好姐妹Karen就話大叔對Joan好好,喺婚禮上大叔就同大家講話自己老婆:「face no good body no good 但係個心好好」呢番說話令Karen感動至今。

幽默搞笑有大叔就有氣氛

mytv截圖
Photo from mytv截圖

主持人陳貝兒話有大叔嘅出現,成件事就會好有喜感,佢好能夠帶到開心俾大家,老婆Joan又會「格格聲」大笑。

不斷鬥嘴就係佢哋嘅情趣

mytv截圖
Photo from mytv截圖

主持人陳貝兒話雖然有時大叔講野窒Joan,Joan又會翻返老公白眼,叫對方唔好嘈,不過咁樣其實係佢哋嘅情趣。另一半喺身邊不斷搞笑,兩個嘻嘻哈哈就一世。

mytv截圖
Photo from mytv截圖

有承擔 為給老婆一個家打兩份工

mytv截圖
Photo from mytv截圖

可能係韓國大男人嘅關係,大叔同Joan結婚後,為咗俾老婆一個舒適嘅屋企,不惜辛苦啲打兩份工,就係為咗俾個大啲舒服啲嘅家老婆,即使老婆開聲話願意住喺本身無客廳嘅蝸居,老公都堅持要搬去過千呎3房單位。大叔非常有承擔,擁有願意擔起頭家嘅氣概。

一個搞笑幽默,一個大笑姑婆,真係嘻嘻哈哈就一世㗎啦~

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到[email protected],直接將資料傳比小編)


Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 [email protected]比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic

Share to Facebook