成套戲只用電腦桌面為第一視角!《人肉搜尋》扭橋再扭橋  情節情理之內  意料之外~

成套戲只用電腦桌面為第一視角!《人肉搜尋》扭橋再扭橋 情節情理之內 意料之外~

Hong Kong 香港食玩 · Life 本地生活 · Movie 電影 · HotTalk 熱門話題
By PressLogic on 16 Oct 2018

有無諗過可以成套戲影住電腦螢幕,直至完場?而《人肉搜尋》(Searching)就係一套咁嘅電影,但唔會令你因為電腦螢幕桌面畫質令你想離場,相反會好緊湊咁同主角David同一個視角咁,一步步拆開謎團咁!

故事講述16歲女兒Margot(米雪娜 飾演) 突然失蹤,單親爸爸David (周約翰 飾演)登入女兒電腦,希望可以透過Facebook、Instagram、電郵及訊息記錄等線索,搵女兒嘅下落。但愈搵得多發現唔多對路,更發現其實自己唔了解佢。

Sony Pictures
Photo from Sony Pictures

電影最厲害嘅地方係成套電影視角都係用電腦桌面螢幕,就算咁運用鏡頭,情節唔會過渡得奇怪,而且仲幾合理,劇情發展仲因為咁增加懸疑緊張感。

一開始用電腦嘅相片、短片簡單交代故事背景,接住就用facetime嚟敘述父女間喺Margot失蹤前嘅「最後對話」。從「最後對話」嘅兩父女表情,以及David欲言又止嘅訊息,都帶出兩父女之間存在隔閡,而且漸行漸遠。

Sony Pictures
Photo from Sony Pictures

到Margot明明話去同學到過夜溫書,深夜無啦啦打咗兩個facetime嘅視像電話,David覆電話發現無人聽,而且Margot訊息都無回,就開始發現唔對路。

喺搵線索嘅時候,會慢慢發現Margot同David嘅矛盾比想像中多,David好似對女兒嘅狀況、想法一無所知咁,令大家不禁思考到底Margot係失蹤,定係離家出走?失蹤嘅話係因為啲咩而失去蹤影?如果係離家出走嘅話,有咩令到佢忍受唔到而要離開?

Sony Pictures
Photo from Sony Pictures

同埋當見住David將Margot一個個同學、青梅竹馬搵出嚟,個個好似咩都唔知咁。有啲睇相明明好親密咁,但一問到關於Margot嘅嘢,就講到毫不關心、事不關己咁,但當媒體關注去採訪佢地,又講到好似好緊張同擔心Margot。

電影佈下唔少伏線,但就算發現咗啲伏線,都未必第一時間估啱,可以睇到《Searching》放咗唔少心思,佈下疑局,到最後會令你恍然大悟,原來唔少睇落好似雞毛蒜皮嘅小事,喺《Searching》入面都足以影響劇情發展。

Sony Pictures
Photo from Sony Pictures

當中會不斷諗到底佢係咪離家出走?就算唔係離家出走,咁邊個最可疑?情節不斷將你

而且活用網絡嘅特色,好似facetime、facebook、唔同嘅平台,幾貼地講出而家嘅人使用網絡嘅習慣,仲帶出一個重點——「耳聽三分假,眼看未為真」,你喺網絡睇到嘅嘢有幾多係真,有幾多係假象?當中充斥住唔同嘅謊言,有幾多係無傷大雅,又有幾多係會帶嚟危險。

《人肉搜尋》
上映日期:10月17日

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到[email protected],直接將資料傳比小編)


Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 [email protected]比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic

Share to Facebook