唔一定要郊外先有!東京市區平價天然溫泉  行完街或玩完一日最適合浸溫泉

唔一定要郊外先有!東京市區平價天然溫泉 行完街或玩完一日最適合浸溫泉

Japan 日本遊樂 · Kanto 關東
By PressLogic on 24 Oct 2018

去日本旅行就會諗起可以浸溫泉,唔少人都會去郊外浸,但其實唔駛走到咁遠,東京市區都有溫泉浸,最適合行完一日去浸一浸,消除疲勞!

位於東京鬧市嘅淺草,巷弄間有間可以唔駛入住都有得浸溫泉嘅溫泉大浴場,最適合行咗成日、玩咗成日,成身痠痛去浸一浸!

PressLogic
Photo from PressLogic

地理上方便之餘,一入門口有個自動售票機,可以揀返剩係浸溫泉,定係要埋毛巾等用品,販賣用品都幾齊全,可以兩手空空嚟浸溫泉。

PressLogic
Photo from PressLogic

分為男湯、女湯,要喺置物櫃個到換衫,再入到浴場洗乾淨個身,先可以入溫泉到浸。男女湯都設有室內溫泉同露天溫泉,露天溫泉浸起嚟就無咁侷,而室內溫泉就會暖啲。

蛇骨湯
Photo from 蛇骨湯

泉水顏色帶少少啡,所以有蛇骨湯之稱。浸完溫泉飲牛奶就爽晒!幾啱行完一日攰到腳痛去浸,浸完再返酒店瞓~浸完之後,第二日起身都會放鬆晒、舒服晒!

蛇骨湯
Photo from 蛇骨湯

蛇骨湯
東京都台東区浅草1-11-11
営業時間 13:00~24:00
休業日:毎週星期二

收費:成人(12歲或以上)¥460,小學生(6歲或以上,12歲以下)¥180,6歲以下兒童¥80

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到[email protected],直接將資料傳比小編)


Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 [email protected]比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic

Share to Facebook