澳門必睇刺激特技新show、必影打卡點 周末玩轉澳門全攻略！

12月假期去邊度玩？近近地去轉澳門，有得玩有得食有得睇，年尾仲有新嘅大show開演，加上港珠澳大橋開通之後，去澳門又方便咗，不妨趁周末過去玩兩日！唔想淨係睇大三巴，食豬肉乾、豬扒包同葡撻？大家不妨參考下小編準備嘅兩日一夜行程～

1.享受氹仔舊城區嘅午後慢活

一大早出發，嚟到澳門最緊要係醫飽個肚先！小編推介去氹仔舊城區，呢度昔日係一條漁村，依家演變成一個充滿文藝氣息嘅打卡熱點。葡萄牙式建築外牆塗上唔同顏色，沿路都充滿各種少女心爆棚嘅糖果色，仲有好多靚壁畫，絕對係打卡嘅最佳場景！

Photo from 氹仔舊城區

Photo from 氹仔舊城區

Photo from 氹仔舊城區

舊城區仲有好多美食，傳統餅店、街頭小食攤檔、地道中國佳餚，充滿葡萄牙同西班牙風味嘅傳統歐陸菜式應有盡有！

喺小巷中仲有唔少小店，各款特色商品，買嚟做手信就最好不過喇！

Photo from 氹仔舊城區

2. 必坐8字摩天輪，飽覽澳門美景

行完一大輪，係時候返酒店休息下。小編推薦嘅呢間酒店—新濠影滙就喺氹仔，同舊城區只係幾分鐘車程。

Photo from 新濠影滙

Photo from 新濠影滙

嚟到呢度必搭「影滙之星」！佢其實係全球最高嘅8字形摩天輪，成130米高！

坐上浪漫嘅摩天輪，將成個澳門嘅美景收入眼底，傍晚時分仲可以欣賞埋日落添！

3. 率先睇全新飛車特技show

重頭戲嚟喇！年尾嚟澳門，除咗「水舞間」之外，又多個超高水準大型滙演，必睇國際級大show—全球首個室內電能跑車特技滙演「狂電派 ELĒKRŎN」。

Photo from 新濠影滙

「狂電派」係新濠繼「水舞間」後另一話題之作，聯同頂尖娛樂策演公司斯達菲（STUFISH）攜手打造，以末日浩劫、超電能為主題嘅超刺激飛車特技Show，12月14日起喺新濠影滙有得睇，不過依家已經有得買定早鳥優惠門票。

「狂電派」有超過70輛度身訂造嘅超級電能車登場，款式包括電能跑車、特製越野車、電單車同復翼飛機，動員超過150位來自全球嘅項級製作同特技界精英，為觀眾表演沖天火焰，機翼行走等一幕幕驚心動魄嘅特技場面。加上電能跑車、特製越野車、電單車等風馳狂飆，為觀眾帶嚟75分鐘無間斷嘅最強感官刺激，足以令人腎上腺素飆升！

Photo from 新濠影滙

同「水舞間」唔同，「狂電派」演期有限，想睇嘅就要把握機會，趁聖誕假去睇都係唔錯嘅選擇！滙演平日只得20:00一場，周未同假日就有16:00同20:00兩場。（不過要留意，每個月都有幾日休息，記得買飛時清楚有無場次！）

想享受票價85折早鳥優惠，記得要喺11月30日或之前預訂！

訂票網站

4. 超精緻米芝蓮粵菜

係時間食晚飯喇～新濠影滙酒店入面有好多間餐廳，中西美食都可以喺度食到，梗有一款啱你口味！

特別推介呢間「玥龍軒」，係米芝蓮一星餐廳，有多款色香味俱全嘅中華名菜，必食鮑魚同燕窩料理、鵝肝金錢雞、黑蒜雙蔥和牛粒，單睇賣相已經夠晒吸引！

Photo from 新濠影滙

Photo from 新濠影滙

5. 意大利主廚炮製正宗意菜

鍾情意菜嘅人士，「意滙」係你不二嘅選擇。餐廳裝修簡約，好似走入意大利家庭嘅廚房，來自意大利嘅主廚Rodolfo Serritelli炮製嘅每道菜式都充滿家鄉情懷。

Photo from 新濠影滙

手工薄餅、意粉、精緻嘅傳統意國主菜同甜點，每款都充滿誠意。唔洗飛去意大利都感受到意式情懷～

Photo from 新濠影滙

Photo from 新濠影滙

6. 潮玩4D多媒體飛行體驗「蝙蝠俠夜神飛馳」

仲有好多嘢玩㗎！食完brunch之後，可以玩下「蝙蝠俠夜神飛馳」。呢個係全球首個以蝙蝠俠為主題嘅4D多媒體飛行體驗設施。

喺入面跟住蝙蝠俠穿梭葛咸城，經歷電影一幕接一幕嘅經典場面，將小丑、雙面人同班恩等奸角繩之於法。

坐住超型格嘅蝙蝠戰機喺大廈間左穿右插，跟住蝙蝠車展開一連串驚險追逐，帶俾你極致嘅感官享受，Batman fans一定唔可以錯過！

兩日玩晒咁豐富嘅行程係咪好滿足呢？想玩得更加精明？小編俾個貼士你，買埋住宿套票更加抵玩！

1. 港幣$1,299起「狂電派」滙演住宿套票

呢款套票係二人套票，包括新濠天地「迎尚酒店」標準大床客房一晚住宿、「狂電派」C區門票兩張（可以優惠價升級至A或B區門票）。

迎尚酒店裝修創新，客房型格舒適，可欣賞路氹城嘅迷人景色，浴室配有浴缸，啱晒鍾意浸浴嘅你。

2. $584「狂電派」賞滙演‧享佳餚

除咗住宿套票，仲可以揀Show+自助餐套票！對食有一份執著嘅你，呢款套票就最適合喇！套票包「狂電派」C區成人標準門票一張（可以優惠價升級至A或B區門票），同埋人氣爆燈嘅「星滙餐廳」環球海鮮自助午餐。

「星滙餐廳」雲集環球新鮮海鮮，世界各地佳餚，一定可以滿足你嘅味蕾！

Photo from 新濠影滙

Photo from 新濠影滙

訂票網站

*所有套票由2018年11月16號至2019年3月31號接受預訂，適用於2018年12月14號至2019年3月31號入住。

Source from 新濠影滙