睇前必讀！《怪獸與葛林戴華德的罪行》不可不知8大背景 揭曉《怪獸》與《哈利波特》聯繫！

同樣為J.K.羅林筆下嘅《怪獸與他們的產地》，不僅延續哈利波特嘅神秘國度，更係帶各哈利迷進入另一世界！睇過《怪獸》第1集嘅戲迷苦等兩年之後，終於可以喺今個11月再入戲院，與《怪獸與葛林戴華德的罪行》重返1926年嘅魔法世界啦！共5集嘅《怪獸》系列，唔知喺第2集又會發生咩事呢？不過喺入戲院之前，當然要先了解背後隱藏細節，揭開J.K.羅林喺魔法世界留下嘅伏筆啦！

Photo from FB@Warner Bros. Pictures

《怪獸與他們的產地》最初其實係《哈利波特》中，霍格華茲所用嘅教科書名。J.K.羅林花上人生17年時間寫成《哈利波特》，當然對故事中親自建構嘅魔法世界念念不忘，華納讓J.K.羅林將《哈利波特》推前至教科書《怪獸與他們的產地》出現之前，除咗會為大家帶來全新一面嘅魔法世界外，當然仲會逐步揭開《哈利波特》中埋下嘅伏線！

Photo from Youtube@Warner Bros. Pictures

J.K.羅林曾喺訪問中提及「如果你看過第一集電影的話，我想你將會很驚訝看見這部電影有着很不同的風格；我們現在來到了故事中最重要的部分」，證明今次第2集《怪獸與葛林戴華德的罪行》將會揭開更多《哈利波特》背後穩藏嘅秘密！

Photo from Youtube@Warner Bros. Pictures

1. 鄧不利多回歸 拆解身世之謎
阿不思·鄧不利多可謂哈利迷最愛角色，J.K.羅林亦曾提及鄧不利多係佢最喜愛嘅人物！今次鄧不利多會喺《怪獸與葛林戴華德的罪行》中再次出現，但再唔係白髮長鬚嘅佢啦，而係超英俊、年輕時嘅佢啊！

Photo from Youtube@Warner Bros. Pictures

呢位喺魔法世界舉足輕重、喺《哈利波特》中身為霍格華茲魔法與巫術學院校長嘅鄧不利多，第2集有年輕版出現，當然已令哈利迷瘋狂啦！但最重要係，J.K.羅林會喺《怪獸》第2集為大家逐步解開鄧不利多嘅故事！

Photo from Youtube@Warner Bros. Pictures

《怪獸》出現之前，已有哈利迷揣測鄧不利多嘅性向，有唔少人認為鄧不利多係同性戀，深愛年輕時嘅密友，亦係第2集中重要人物之一嘅葛林戴華德，而J.K.羅林喺第2集看似已為大家解題啦！喺第2集中，鄧不利多面對「意若思鏡」時，鏡中出現葛林戴華德嘅容貌，而「意若思鏡」其實係一面會浮現心中所渴望事物嘅魔法鏡子，證明鄧不利多對葛林戴華德嘅感情相信唔止「密友」咁簡單！

Photo from Youtube@Warner Bros. Pictures

除此之外，大家將睇到正在逐步成為《哈利波特》中最偉大巫師前嘅鄧不利多，當中所有經歷一一呈現觀眾眼前，就好似進入時光機，窺看鄧不利多嘅身世故事一樣！

Photo from Youtube@Warner Bros. Pictures

2. 黑巫師葛林戴華德 與《哈利波特》的聯繫
《怪獸》第2集主要講述葛林戴華德嘅崛起，葛林戴華德當然係整套電影中最核心人物啦！喺第1集嘅結尾，美利堅魔法國會將黑巫師葛林戴華德逮捕，被囚禁喺紐約監獄幾個月後，決定將佢移送返歐洲時，葛林戴華德成功脫逃，佢認為巫師唔應該再生活喺躲藏之下，而麻瓜應被巫師與女巫師統治，於是開始集結信徒展開大計。

Photo from Youtube@Warner Bros. Pictures

鄧不利多為阻止葛林戴華德嘅惡行，故事逐漸進入光明與黑暗對決階段，第2集將會曝光所有角色效忠對象，將人性及恐懼展露無遺！

Photo from Youtube@Warner Bros. Pictures

葛林戴華德係喺佛地魔崛起之前，排名「史上最危險的黑巫師」中嘅第一位，最先係喺《哈利波特：神秘的魔法石》中被提及，其後喺《死神的聖物》中因曾經擁有聖物之一嘅接骨木魔杖，而被佛地魔殺死。

Photo from Youtube@Warner Bros. Pictures

3. 「Maledictus」與佛地魔暗藏伏線
喺第2集中劇組搵咗南韓女明星金秀賢飾演血咒宿主「Maledictus」一角，Maledictus於戲中與魁登斯Credence有感情上嘅發展。Maledictus為一位馬戲團表演者，戲中Maledictus喺魁登斯巴波叫喚下，由人身變為巨蛇，並且叫做「娜吉尼」。

Photo from Youtube@Warner Bros. Pictures

相信哈利迷都知道，「娜吉尼」就係《哈利波特》中佛地魔嘅12英尺長巨蛇寵物，亦係佛地魔嘅7個魂器之一，以及佛地魔嘅殺人武器！喺第2集揭示咗原來佛地魔嘅巨蛇就係《怪獸》中嘅Maledictus！

Photo from Youtube@Warner Bros. Pictures

但喺預告中，Maledictus與紐特企喺同一陣容上面，相信入到戲院就會知道，最後點解Maledictus會變成佛地魔嘅寵物以及「分靈體」啦！

Photo from Youtube@Warner Bros. Pictures

4. 魁登斯與「闇黑怨靈」
喺《怪獸與葛林戴華德的罪行》預告中可見，魁登斯正嘗試控制並釋放闇黑怨靈Obscurus，所謂嘅闇黑怨靈被提及於《怪獸於牠們的產地》當中，呢種黑暗力量係擁有魔法血統嘅巫師或女巫，因小時受迫害而不斷壓制自己魔法，最終魔法於體內轉化成「闇黑怨靈」。

Photo from Youtube@Warner Bros. Pictures

「闇黑怨靈」會寄生於宿主身上，當宿主受刺激或情緒失控時，「闇黑怨靈」會主宰宿主並四處破壞。而「爆竹」就係代表擁有魔法基因，但無遺傳到魔法天賦嘅人，魁登斯就係其中一位。《怪獸》第2集預告中，葛林戴華德看似要說服魁登斯幫忙展開奸計，因此故事中各人物角色紛紛走到巴黎，其實都係衝着魁登斯而去。

Photo from Youtube@Warner Bros. Pictures

5. 《哈利波特》畫面元素帶入《怪獸》
《怪獸》話明係《哈利波特》嘅前傳，當然會出現有關《哈利波特》嘅元素啦！除咗人物角色外，第2集將會帶大家重返霍格華茲，以及睇到其他似曾相識嘅魔法啊！

Photo from Youtube@Warner Bros. Pictures

Photo from Youtube@Warner Bros. Pictures

霍格華茲學院城堡今次要喺《怪獸》出現啦！而當中最為人熟悉嘅當然係《哈利波特》中學習黑魔法防禦術嘅教室啦！戲中仍保留熟悉嘅道具及佈景，不過今次要練習魔法嘅再唔係哈利波特啦，而係少時嘅紐特啊！

Photo from Youtube@Warner Bros. Pictures

Photo from Youtube@Warner Bros. Pictures

另外仲有喺《死神的聖物》中，代表死神聖物嘅標記Deathly Hallows亦有出現，而3樣聖物包括接骨木魔杖、重生石、隱形斗蓬嘅標記就正正出現喺《怪獸與葛林戴華德的罪行》英文標題字體I、G、A上！而呢3個標記喺《怪獸》第2集中就成為咗黑巫師葛林戴華德自己嘅標誌。

Photo from Youtube@Warner Bros. Pictures

Photo from Youtube@Warner Bros. Pictures

6. 「神秘的魔法石」創造者現身！
今次另一件最令哈利迷驚喜嘅，一定係「神秘的魔法石」創造者尼樂勒梅現身啦！《哈利波特：神秘的魔法石》中提及到神秘的魔法石製造者尼樂勒梅，而且更係鄧不利多嘅好朋友。一直無喺《哈利波特》當中現身嘅尼樂勒梅，今次將會喺《怪獸》第2集搞笑現身！

Photo from Youtube@Warner Bros. Pictures

戲中雅各科沃斯基見到滿頭白髮，面色蒼白嘅尼樂勒梅，仲以為佢喺鬼而鬧得一場笑話，於是尼樂勒梅講述自己係鍊金術師，所以長生不老，而且已經活到375歲！相信各位哈利迷喺17年後見到「神秘的魔法石」創造者尼樂勒梅，一定為之感動啊！

Photo from Youtube@Warner Bros. Pictures

7. 第1集可愛怪獸再現 再新加入中國奇獸！
《怪獸》第2集簡直係怪獸動物園啊，超多舊有同新加入怪獸，中意睇戲中怪獸嘅粉絲同樣不能錯過！當中加入海底生活嘅「水怪」，水怪只有騎上去先可以馴服佢，而紐特喺戲中亦有試圖馴服水怪。

Photo from Youtube@Warner Bros. Pictures

另外仲有一隻新加入嘅中國奇獸「騶吾」，騶吾樣貌兇狠，但其實超級可愛，仲可以日行千里！而J.K.羅林亦喺訪問中提到，只有紐特先有辦法馴服並照顧怪獸們，相信紐特馴服怪獸嘅過程將會成另一有趣之處！

Photo from Youtube@Warner Bros. Pictures

Photo from Youtube@Warner Bros. Pictures

除此之外，仲有第1集出現後爆紅嘅「玻璃獸」！而且玻璃獸仲喺第2集生咗小寶寶啦，唔知搞鬼又非常幫得手嘅玻璃獸，新一集又會唔會迷到萬千少女心呢！

Photo from Youtube@Warner Bros. Pictures

而同樣喺第1集出現嘅樹枝仔木精「皮奇」都會再次出現，細細粒超可愛，大家記得搵下佢哋嘅蹤影啦！

Photo from Youtube@Warner Bros. Pictures

8. 劇組超細心！沿用《哈利波特》相中演員！
其實劇組仲埋藏咗一個超有心思嘅細節㗎！喺預告中鄧不利多面對「意若思鏡」時，出現嘅年輕鄧不利多以及葛林戴華德，其實演員正正就係《哈利波特：死神的聖物Ⅰ》中，喺相中同樣演出年輕鄧不利多以及葛林戴華德嘅Toby Regbo同Jamie Campbell Bower！

Photo from Youtube@Warner Bros. Pictures

唔止故事、場景超細心，不斷與《哈利波特》交錯連繫，就連演員都達到一致性，各位哈利迷今次真係不得不入場睇啦！

圖片來源：Youtube@Warner Bros. Pictures、FB@Warner Bros. Pictures

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）