download HolidaySmart 假期日常 app
《與鬼同行:大叔追兇》馬東石演0正義感柔道館長  遇上靈魂出竅嘅死對頭熱血警察  搞笑感人查案

《與鬼同行:大叔追兇》馬東石演0正義感柔道館長 遇上靈魂出竅嘅死對頭熱血警察 搞笑感人查案

時事熱話 生活熱話 電視電影 美食推介
By Rachel Lo on 26 Nov 2018
Deputy Managing Editor

近年馬東石都有唔少作品,而《與鬼同行:大叔追兇》今次就飾演無正義感、但好錫囡囡嘅柔道館長,不減搞笑風格,加咗少少溫情同感人元素添!

edko filmsPhoto from edko films

雖然套戲叫《與鬼同行:大叔追兇》,但其實無咩恐怖情節,而且係講靈魂出竅。故事講馬東石演嘅柔道館長崔長壽,因為以前熱心幫人搞到無咗個老婆,自此就唔再「多管閒事」,唔再好心幫人。點知就遇到個超有正義感嘅熱血警察姜太振(金英光 飾),以為佢同案件有關,處處搵佢麻煩。

edko filmsPhoto from edko films

熱血警察仲因為查案出意外而靈魂出竅,得柔道館長先見到佢,所以就死纏館長要佢幫手查出真相同返女友身邊。
edko filmsPhoto from edko films

成套電影主要分為幾條故事線,崔長壽對不平事視而不見嘅原因;姜太振查緊個單案而畀咩人陷害;姜太振女朋友因捲入查案事件;崔長壽咁緊要囡囡嘅原因。到最後將呢幾條故事線再串連埋一齊。
edko filmsPhoto from edko films

雖然馬東石生得比較兇悍咁,但當佢用搞笑嘅方式演到對不平事件視而不見,又唔會令人產生反感。同埋睇得出佢真係好錫囡囡。再知道原來佢唔幫人係有苦衷嘅時候,就會更加理解。

edko filmsPhoto from edko films

當中會有唔少搞笑輕鬆場面,唔似戲名咁以為係咩恐怖靈異事件,同埋開頭以為姜太振女朋友對佢唔好,但睇落去就明白佢係因為擔心男友為唔公義嘅事出頭,會令自己陷入危險。當姜太振昏迷、入埋醫院嘅時候,見到佢當下嘅反應,仲會令人感到心酸。

edko filmsPhoto from edko films

不過電影節奏比較慢,如果可以明快一啲會比較好,而最後扭橋都會估到,會令人有種略帶刻意嘅感覺。

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel