停用21年！東京神祕車站「博物館動物園駅」限定重開

唔論你有冇去過日本，都一定聽過東京嘅鐵路有幾發達，JR、東京地鐵、都營地鐵、私鐵等，真係多到眼都花埋呀！

不過其實其中有唔少車站係已經被荒廢唔再用，就好似最近京成電鐵宣佈，一個已停用近21年嘅車站「博物館動物園駅」會限定開放！

Photo from テレ朝news

呢個神秘車站名為「博物館動物園駅」，位於東京上野公園附近，屬京成電鐵嘅其中一站，建於1933年，1997年停用，於2004年被廢棄。

Photo from Pinterest

車站內外設計充滿懷舊感覺，至今已超過85年歷史，今年更被獲選為「東京都選定歷史的建造物」，可見日本對呢個車站非常重視。

Photo from Pinterest

其實「博物館動物園駅」附近有不少主要景點，如東京帝國博物館、東京科學館、上野動物園、東京音樂學院和東京藝術學院等，至於點解會停用？

Photo from テレ朝news

原因好簡單⋯就係因為人口老化，導致乘客大量下降，所以京成電鐵為了減低營運成本，就喺1997年決定停用車站，但一直保存車站。

Photo from テレ朝news

Photo from テレ朝news

不過大家唔駛擔心車站咁耐冇用，會唔會好陰森恐怖，因為車站當局喺限定開放前已進行一系列翻新同清潔。而站內嘅售票處、樓梯、天花、路軌甚至牆上多年留下來嘅塗鴉，就決定保持原狀。

Photo from テレ朝news

機會難得，身為鐵路迷嘅你點會錯過呢個咁既有特色而又神秘嘅車站喇！

博物館動物園駅跡

開放日期：即日至2019年2月24日

開放時間：11am – 4pm（逢星期五、六、日）

入場費：免費入場

地址：〒110-8712 台東区上野公園13番23号

交通：乘京成電鐵至京成上野駅或東京メトロ上野駅下車步行約12分，或乘JR於上野駅公園口或鶯谷駅南口下車步行約12分鐘

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）