美國搞笑研究:女友變肥係因為男友唔夠靚仔?原來情侶顏值對對方身材有影響

美國搞笑研究:女友變肥係因為男友唔夠靚仔?原來情侶顏值對對方身材有影響

HotTalk 熱門話題
By PressLogic on 04 Dec 2018

好多人都話拍拖後身材會不自覺「走樣」,女生就更加在意啦!美國就有研究發現女生變肥背後隱藏一個「殘酷」真相:你愈來愈肥未必唔係因為你唔夠努力,而可能因為你嘅伴侶生得唔夠靚仔!

美國佛羅里達州立大學進行咗一個男女心理研究,意外發現原來男友嘅長相,同女友飲食習慣同身材有密切關係!

博士生Tania Reynolds指出,男女性喺追求健美嘅心態上有別,女性會因為伴侶外形嘅吸引力而影響運動動機。簡單嚟講,如果男友擁有較吸引人嘅外在條件時,本身外型唔夠吸引嘅女性容易因對男友而缺少安全感,並將壓力會成為追求更苗條身材嘅推動力。

 shutterstock
Photo from shutterstock

shutterstock
Photo from shutterstock

相反,男友嘅身形同長相都唔吸引嘅話,女性對身形嘅要求都會降低,減低自我約束,繼而易於發胖。

shutterstock
Photo from shutterstock

不過有趣嘅一點係,研究指男性相對地唔會因為伴侶嘅外型,而影響飲食同健身動機!

shutterstock
Photo from shutterstock

所以如果女生拍拖後真係愈來愈肥嘅話,可以搞笑地同返男友講係因為佢唔夠吸引力啦!不過研究結果只供參考,而且正所謂「情人眼裡出西施」,情侶真心相愛就算「幸福肥」都無有怕啦!

資料來源:佛羅里達州立大學研究

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到[email protected],直接將資料傳比小編)


Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 [email protected]比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic

研究

Share to Facebook