大熱HeHe日劇《大叔的愛》開拍電影版！新劇情傳春田田+大叔上海續前緣？

人氣BL日劇《大叔的愛》今年喺香港同亞洲多地都掀起熱潮，至今依然熱潮不減。今日劇組仲帶來好消息！據日媒報道，《大叔的愛》已落實拍攝電影版，並將於2019年夏天上映！

其實自劇集播完後，一直都有傳聞會拍續集或電影，到今日劇組終於宣佈原班人馬會再接拍電影版！據知劇情將延續電視劇劇情，大家到時可以再睇到「春田田」田中圭、「牧凌太」林遣同「大叔」吉田鋼太郎嘅「HeHeHe」三角戀情！

Photo from 微博

電影將以劇集結局後1年為背景，劇組明年3至5月將喺關東郊區拍攝。 另外，有報道指會邀請大卡司客串，飾演另一位「新大叔」！

而田中圭本人仲透露，劇集結尾有交代同「阿牧」同居後嘅「春田田」到上海公幹，而且大叔上司會尾隨去上海，有網民估計電影版劇情會隨住呢個方向發展。

Photo from news.goo.ne.jp

Photo from 大叔的愛

同時，隨着劇集播出而開嘅「大叔」Instagram，相隔多個月後於昨晚再度出Post，上載一張上海夜景相，並耐人尋味地寫：「已經唔再戀愛⋯⋯我唔會咁講」！睇嚟呢段三角基情將會殺到上海！！

Photo from musashis_room@IG

Photo from musashis_room@IG

Photo from musashis_room@IG

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）