信不信由你！美國研究：冬天打冷震15分鐘=運動1小時 促使體內燃燒脂肪

近日香港氣溫驟降，出街真係要講返句「冷得我騰騰震呀」！成身「打晒冷震」固然辛苦，不過美國就有研究指出冬天打冷震，原來有助減肥！唔知大家聽完會唔會凍都凍得開心啲呢？

據《國家地理雜誌》（National Geographic）報導，美國國家衛生研究院（NIH）一項研究發現，當人處於約12℃低溫環境下，人體因寒冷而自然地「打冷震」時，肌肉組織會幫助體內燃燒脂肪。「打冷震」15分鐘，就可以有做運動1小時嘅生陳代謝效果！

Photo from shutterstock

研究學者指出，人體嘅脂肪主要分為「白色脂肪」同「啡色脂肪」。「白色脂肪」負責儲存能量，而「啡色脂肪」就有燃燒卡路里同產生熱能嘅功能。

當人因低溫「打冷震」時，肌肉組織會同做運動時一樣，釋放兩種荷爾蒙：「鳶尾素」以及FGF21。佢哋會促使體內「白色脂肪」轉化成「啡色脂肪」去產生熱能保暖，同時消耗體內多餘脂肪，達到瘦身效果。

Photo from shutterstock

Photo from shutterstock

不過專家又話，「打住冷震」去做運動，並唔會帶來「雙重成效」！

研究結果真係信不信由你啦！話就話「打冷震」可以燃燒脂肪，但長時間捱凍，分分鐘搞到傷風感冒得不嘗失！講到尾，想有效Keep Fit，都係小心保暖，保持身體健康、多做運動啦！

Photo from shutterstock

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）