自助圖書站進駐尖沙咀 24小時服務 藏書數量達300本

舊年年底，康文署喺港島東體育館設置咗全港首個自助圖書站，今個月，第二個自助圖書站都推出咗喇！今次選址喺尖沙咀。

Photo from 政府新聞網

新嘅圖書站同之前嗰個設計唔同，佢嘅外型同選址嘅尖沙咀文化中心係互相呼應㗎！

尖沙咀自助圖書站設計靈感嚟自文化中心獨特嘅建築形態，用玻璃同竹紋水泥牆製成。

Photo from 政府新聞網

圖書站外牆係一塊斜擺嘅玻璃牆，一幅竹紋水泥牆喺玻璃牆對面，形成三角型，同文化中心外型相似。

Photo from 政府新聞網

呢個新圖書站位於尖沙咀文化中心建築群內，設有24小時借書還書服務，亦有領取預約圖書館資料以及使用圖書館目錄嘅功能，市民可以用八達通俾預約資料嘅款項、過期還書嘅罰款。

站內藏書數量同東區自助圖書站一樣，都係300本。康文署會根據當區情況、讀者嘅意見同鄰近設施等因素，提供返相應嘅書，讀者可以喺網站提供購書意見。

自助圖書站一共設有三個試點，最後一個站點將會設喺沙田大圍站附近，預計出年上半年就會投入服務。到時港九新界都會各有一個自助圖書站啦～

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）