周國賢唔見銀包：最緊要小朋友啲相仲喺度 失而復得後感動表示：原來香港仲有好多好人！

好爸爸周國賢（Endy）日前唔見咗銀包，即刻上網開post，希望有心人執到可以還返畀佢。事隔兩日左右，Endy被通知到失物部認領返個銀包時，就發現有驚喜。

在 Instagram 查看這則貼文

完成了第一天的舞台劇排練，坐巴士回家也很不錯啊！??

周國賢 endy chow jaugwokyin（@endychowjaugwokyin）分享的貼文 於 PST 2018 年 12月 月 10 日 上午 1:27 張貼

話說3日前，Endy喺自己IG 開咗個post，話自己搭完巴士落車嘅時候，唔小心跌咗銀包，希望如果有人執到可以還返畀佢，仲加咗5個喊晒口嘅emoji。

在 Instagram 查看這則貼文

一小時前由新蒲崗坐新巴111號（坪石至上環方向）去灣仔普樂里落車跌咗銀包，如果有人執到麻煩可唔可以俾返我？求下你求下你 ????? 當係送份生日禮物俾我？

周國賢 endy chow jaugwokyin（@endychowjaugwokyin）分享的貼文 於 PST 2018 年 12月 月 11 日 上午 2:11 張貼

Endy顯得非常緊張，喺caption提到「求下你求下你，當係送份生日禮物畀我？」

Super Girls嘅Cheronna同hanatam小花都留言話幫忙轉發。

而事隔2日，Endy再次開post update呢件事，今次係一張佢個銀包同「銀包餡」嘅大合照！Endy表示佢去認領返個銀包嘅時候，其實已經打定輸數，覺得攞唔攞得返個銀包已經唔緊要，就算無晒啲錢都唔緊要，啲證件喺返度已經好感恩，就算真係無晒證件，至少小朋友嘅相喺度就會極度感恩。

在 Instagram 查看這則貼文

認真，頭先去杏花邨失物部認領番個銀包嘅時候，心裏面已經有最壞打算⋯ 「攞唔攞得返個銀包已經唔緊要，就算冇晒錢，有返啲證件我已經好感恩……就算冇晒證件，有返晒小朋友嘅相我已經極度感恩…… 點知……原封不動！」? 痴線！原來香港真係仲有好多好人！ 非常感謝幫我執返銀包嗰位有心人！仲有所有幫我散播訊息每一位熱心嘅朋友們！我覺得今年生日過得好有意義！???❤️ #ilovehongkong #以後坐巴士唔會瞓覺

周國賢 endy chow jaugwokyin（@endychowjaugwokyin）分享的貼文 於 PST 2018 年 12月 月 12 日 下午 9:30 張貼

喺最壞打算嘅情況下，Endy得到嘅，係原封不動嘅銀包同「銀包餡」。令佢不禁慨嘆：『痴線！原來香港真係仲有好多好人！』仲hashtag「#ilovehongkong」

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）