馬國明連續兩年、第三次奪最受歡迎電視男角色 天然呆爆發：我真係唔知點解攞獎，真係莫名其妙

琴晚台慶馬國明憑《宮心計2深宮計》將軍「任三恕」一角贏得「最受歡迎電視男角色」。

今次係佢第三次奪得呢個獎。佢喺《萬千星輝頒獎典禮2012》憑《On Call 36小時》張一健「一件頭」一角首度奪得「最受歡迎電視男角色」。

今年年頭以《降魔的》「馬季」喺《萬千星輝頒獎典禮2017》攞咗「最受歡迎電視男角色」，今次再下一城，三度奪得呢個獎。

不過當事人就似乎好意外，知道自己得獎後表現得非常愕然，一副唔敢相信咁樣，天然呆爆發。

Photo from TVB

Photo from TVB

Photo from TVB

佢發表感言嗰陣話：「我今晚真係唔知點解會攞獎，真係莫名其妙，同埋我唔係蕭正楠咁已經註咗冊，所以大家唔使咁大反應，唯有多謝啦，多謝小青姐，多謝成個團隊啦，因為我都唔知點解我會攞獎，咦，都要多謝高層嘅，多謝樂小姐多謝珍姐。」

Photo from TVB

馬明話攞呢個獎佢好Surprise，佢更加喺微博放上任三恕嘅私人劇照：「謝謝大家……真的未有想過今晚會有獎……任三恕 的戲份 不多……謝謝大家對我的寵愛……送上1張 任三恕 的私人劇照……謝謝……」

Photo from 馬國明 weibo

有唔少fans替佢感可惜，仲話佢係大家心目中嘅視帝添！

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）