download HolidaySmart 假期日常 app
盤點歷屆雙料視帝視后 同屆奪最佳男/女主角+最受歡迎電視男/女角色

盤點歷屆雙料視帝視后 同屆奪最佳男/女主角+最受歡迎電視男/女角色

生活熱話 電視電影 娛樂新聞
By Jennifer on 19 Dec 2018
Digital Editor

今年嘅《萬千星輝頒獎典禮》已經告一段落,視帝視后分別係馬神馬德鐘同Ali李佳芯,而「最受歡迎電視角色」就由馬國明同陳煒奪得。

而歷屆頒獎禮有幾位藝人係同時奪得呢兩個獎,成為雙料視帝視后,同奪兩獎係對佢哋嘅莫大肯定。

視后方面:

1. 佘詩曼

佘詩曼 igPhoto from 佘詩曼 ig

提到視后又點可以無佢,阿佘係第一個同屆獲得「最佳女主角」同「我最喜愛的電視女角色」(「最受歡迎電視女角色」前身)嘅雙料視后。佢初次攞「最佳女主角」就係喺2006年嘅《萬千星輝頒獎典禮》。

佢當年憑住《鳳凰四重奏》入面一人分飾四角「魏瑜鳳、汪子君、白慧珍、戴思嘉」成為視后,同時憑住同一套戲拎埋「我最喜愛的電視女角色」。

tvbPhoto from tvb

而去到2014年,阿佘再次憑《使徒行者》「釘姐」丁小嘉一角勇奪「最佳女主角」同「最受歡迎電視女角色」。

tvbPhoto from tvb

阿佘兩屆攞視后都係雙料,足見佢嘅演技備受觀眾認同。

近年佘詩曼無同tvb續約,轉而返內地發展,今年佢出演嘅《延禧攻略》大受歡迎,佢飾演嘅嫻妃亦都紅遍中港台。

佘詩曼 weiboPhoto from 佘詩曼 weibo

2. 胡杏兒

胡杏兒 igPhoto from 胡杏兒 ig

胡杏兒喺2011年《萬千星輝頒獎典禮》憑住兩個角色分別奪得「最佳女主角」同「我最喜愛的電視女角色」(「最受歡迎電視女角色」前身)。

佢喺《萬凰之王》飾演孝慎成皇后佟佳·沅宛,並勇奪「最佳女主角」。

同時佢亦以另一套戲《怒火街頭》王思苦一角成「我最喜愛的電視女角色」,成為雙料視后。

依家杏兒已升呢做媽媽,有仔萬事足,一家三口勁幸福!

胡杏兒 igPhoto from 胡杏兒 ig

胡杏兒 igPhoto from 胡杏兒 ig

3. 田蕊妮

tvbPhoto from tvb

阿田喺2013年以《巨輪》成雙料視后。佢飾演性格潑辣嘅「倀雞英」姚文英,呢套劇令佢人氣急升,唔單止一躍成「最佳女主角」,仲拎埋「最受歡迎電視女角色」添!

視帝方面:

1. 陳豪

陳豪 weiboPhoto from 陳豪 weibo

鍾意飲咖啡嘅陳豪喺tvb多年,做過唔少經典角色,不過小編最記得嘅就係《溏心風暴》入面嘅「得得地」唐至安,佢周旋喺成個唐家,暗戀常在心嗰種小心翼翼,演得好入肉啊!

tvbPhoto from tvb

呢個角色令陳豪喺2007年《萬千星輝頒獎典禮》中首奪「最佳男主角」,並且拎埋「我最喜愛的電視男角色」(「最受歡迎電視男角色」前身)!

2. 黎耀祥

黎耀祥 weiboPhoto from 黎耀祥 weibo

喺tvb多年嘅黎耀祥一直都係做綠葉角色,喺2008年終憑《秀才愛上兵》一人分飾兩角而獲「最佳男配角」,得到肯定。

2009年更加再下一城,憑《巾幗梟雄》「柴九」一角勇奪「最佳男主角」同「我最喜愛的電視男角色」(「最受歡迎電視男角色」前身),成為雙料視帝!

劇中佢一句:「人生有幾多個十年!」成為當年金句。

而佢同鄧萃雯仲喺2010年《萬千星輝頒獎典禮》冧莊做視帝視后!

黎耀祥 weiboPhoto from 黎耀祥 weibo

入行多年,終成視帝,佢嘅努力終帶回報,實在令人感動!

3. 鄭嘉穎

鄭嘉穎 weiboPhoto from 鄭嘉穎 weibo

「218 5個0」鄭嘉穎喺2011年憑住《怒火街頭》「Law霸」羅力亞一角喺《萬千星輝頒獎典禮》勇奪三獎,分別係:「「最佳男主角」、「我最喜愛的電視男角色」(「最受歡迎電視男角色」前身)、「tvb.com微博人氣大獎」,成為雙料視帝。

呢一年佢同胡杏兒包辦晒「最佳男/女主角」+「我最喜愛的電視男/女角色」,好威水!

今年8月佢同女友陳凱琳拉埋天窗,最近仲宣布做爸爸添!

鄭嘉穎 igPhoto from 鄭嘉穎 ig

呢6位雙料視帝視后都係備受認同嘅演技派~

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel