彭于晏化身大暖男！遠赴南美保育海龜 親力親為成腳泥都唔怕

睇嚟男神彭于晏嘅魅力已經唔止於完美顏值，事關佢近排遠赴南美哥斯達黎加為海洋保育出一分力，親力親為宣揚保育海龜！化身埋環保界愛心大暖男！

本身喜歡水上活動、探險嘅彭于晏，最近就獲國際環保組識「野生救援」(WildAid）選為公益大使，雖然工作檔期已經密密麻麻，但今個月電影殺青後，就抽出11日火速飛去到哥斯達黎加南部參與佢嘅第一個保育工作，拍攝名為《彼岸的召喚》（Between the Sea and Shore）嘅保護海龜紀錄片。

Photo from 彭于晏@微博

Photo from 野生救援WildAid@微博

節目中彭于晏跟隨環保組織探訪海龜出生地，親力親為參與海龜孵化、救援、保護同放生等保育工作。

從「野生救援」(WildAid）官方相片所見，彭于晏完全放低「形象包袱」，冒著大雨跟義工走入叢林，又喺沙灘上戴住手袋、雙腳沾滿泥濘，落手落腳進行保育工作。

Photo from 彭于晏@微博

Photo from 彭于晏@微博

Photo from 彭于晏@微博

彭于晏仲十足「大細路」，對住海龜扮鬼臉！又小心翼翼地呵護小海龜，完全流露出佢有幾鍾意小動物！

Photo from 彭于晏@微博

Photo from 彭于晏@微博

Photo from 彭于晏@IG

相片曝光後，唔少粉絲都留言大讚彭于晏「靚仔又有愛心」、「正能量偶像」，仲話被彭于晏照顧嘅海龜「好幸福」！本身已經出名靚仔又高學歷嘅彭于晏，再做埋環保大使，可以話係升級為「男神中嘅神級」啦！

資料來源：野生救援WildAid@微博

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）