2019豬年生肖運程預測：猴、雞、狗

之前就同大家講咗9個生肖，今之次終於嚟到最後3個，就係猴、雞、狗呀！

Photo from PressLogic

猴：

Photo from shutterstock

屬猴嘅朋友喺豬年，就是太歲相穿或太歲相害，聽起來都好像不太好。又真係唔係幾好，要注意啲咩？

就係人際關係同是非上面，如果你係從事一啲公眾性嘅行業，你就可能要特別注意喇～不過換個講法，就是如果你係公眾人物嘅話，有是非有時亦唔可以話係壞事。因為起碼有人講總比冇人講好。

除此以外，要留意嘅就係捲舌星，顧名思義係指是非。好大嘅可能性係同自己講錯話得罪人有關，所以喺說話方面自己都要留意一下，表達自己感受可以但都要顧及別人嘅感受。

Photo from shutterstock

另外，還有一顆凶星要注意嘅就係劫煞，意思唔係打劫同殺你，唔駛咁驚。意思主要係同錢銀瓜葛有關，例如有朋友向你借錢，真係好好朋友，咁就冇辦法只好借畀他，不過就要預咗收唔返。

至於合作做生意嘅就要講清楚，最好白紙黑字寫清楚，以免以後有爭論就唔好喇！這方面就要多加留意了！

Photo from shutterstock

屬猴好似全部都是唔好？咁又唔係，原來有兩顆吉星天德、福星，意思就係有貴人相助，有咩事都有人來支援你。

最後再補充，就係屬猴係思想學習投資年，今年原來係讀書嘅好年份。如果你覺得很煩，不如讀書或投資上可能有一些新機遇，都不足為奇。

Photo from shutterstock

雞：

屬雞嘅朋友今年主要嘅重點，就是工作運。皆因有八座星出現，權力地位得以提升，可能工作量會變多、變大，老闆會給多點嘢你做，但要弄清楚工作變多，唔代表收入有變化。

Photo from PressLogic

除此以外，還有文昌星顧名思義即讀書、進修、考試特別有利，加上本身屬雞都係思想學習投資年，所以如果係有計劃讀書進修，加以實行絕對是好時機。

Photo from shutterstock

另外，要留意兩顆凶星囚獄、破歲，囚獄嘅意思都係指要小心一些官非是非，現在係一個怨氣比較重嘅年份，最好就係冷靜點唔好太沖動，沖動是魔鬼，這方面自己就要留意一下！

而破歲星指人際關係或感情上，容易遇到一些分歧或麻煩，最極端嘅當然就係分開、破裂、破碎嘅意思。不過又唔駛太驚，聽到這顆星又唔一定會分手，只係容易會有衝突嘅機會，那就自己留意一下！

Photo from shutterstock

狗：

屬狗嘅朋友喺豬年，也要恭喜你！皆因你有一顆天喜桃花星。天喜即是代表有喜事，同時天喜桃花亦是正桃花，只是力量冇紅鸞桃花大。同樣，如果你係單身，亦有機會遇到合適對象，拍拖認真發展感情。

Photo from shutterstock

至於如果你有穩定對方或已經結婚的，天喜即是喜事，喜事亦可以係結婚生子，買樓某程度都可以是喜事，意思即係如果你有計劃生B，今年就絕對係好時機。

除此以外，亦有一顆陌越星，即時容易有一些機遇機會，給你試一些從來冇試過，從來冇做過嘅範籌或從來沒去過嘅地方，畀你去嘗試。我建議反正有機會你都可以大膽嘗試。

Photo from shutterstock

另外，今年亦係屬狗嘅得財年。同樣，財運收入方面都應該會有所提升。

至於凶星方面，就特別要留意病符星，顧名思義身體健康要相對的留意一下。整體上屬狗的運勢都相當不錯！

Photo from shutterstock

12生肖就同大家預測晒喇，不過最後都要同大家講句風水嘅嘢信則有不信則無！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編