發哥上韓國節目受訪 談及捐出財產俾有需要嘅人 登上韓網熱搜第一

周潤發發哥主演嘅電影喺八、九十年代非常受歡迎，喺韓國提到「香港」，好多人都會首先諗起發哥。

其實韓國電視節目都不時會提起發哥，而琴日播出嘅韓國電視節目就公開咗發哥嘅受訪片段。

Photo from 《真實故事探索隊》

Photo from 《真實故事探索隊》

Photo from 《真實故事探索隊》

發哥早前就曾經講過會捐出14億身家，並有意設立慈善基金，而韓國網民都深受感動，節目組就問到佢點解會有呢個決定。

Photo from 《真實故事探索隊》

發哥就話：「那個錢不是你永遠擁有的嘛，你有一天走了以後，還是留下來給人用，現在放在銀行，死了以後也不能帶走，就想想死了之後要把送給誰。捐給有意思的機構，或是需要這個錢的人是挺好的。」

節目仲播出發哥1989年到訪韓國嘅片段，發哥當時用英文表示翌日會出席慈善活動，希望有能力嘅人可以捐多啲錢。發哥當時已經非常熱心公益。

Photo from 《真實故事探索隊》

Photo from 《真實故事探索隊》

出名貼地嘅發哥喺節目中更表示簡單嘅生活就係佢心中幸福嘅生活，而呢集節目播出之後，發哥更登上韓國網站Naver熱搜第一添！韓國網民都大讚發哥係真正嘅亞洲明星。

Photo from Naver

發哥真係人氣同人品都兼備啊！

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）