單身過聖誕不代表Lonely!研究:單戀都可產生多巴胺 比有伴侶更獲幸福感

單身過聖誕不代表Lonely!研究:單戀都可產生多巴胺 比有伴侶更獲幸福感

HotTalk 熱門話題
By Presslogic on 24 Dec 2018

聖誕節「街裡愛人一對對」,叫「單身狗」出到街情何以堪!不過單身人士又唔需要咁Sad嘅,外國有研究指出:即使無伴侶,人原來喺單戀、暗戀中都可以得到談戀愛嘅「幸福感」!獨自過節都可以好快樂!

首先,牛津大學心理學家Anna Machin認為,以神經學去解釋愛情,愛情只係一堆化學物質同埋「多巴胺」。「多巴胺」係令人產生愉悅感嘅化學物質。簡單嚟講,戀愛得來嘅愉快感覺只係大腦釋放嘅「獎勵」。

佢指出人不論有無伴侶,只要有戀愛感覺,同樣會得到同拍拖中得到嘅「多巴胺獎勵」。研究發現,人腦負責情感、愛戀嘅「邊緣系統(Limbic System)」喺磁力共振下,單戀者同戀愛中嘅人,邊緣系統嘅活躍程度都相差不大,即是話就算係單戀都得到同樣快樂!

shutterstock
Photo from shutterstock

shutterstock
Photo from shutterstock

我哋普遍理解「單戀」係件苦事,但蒙莫斯大學專門研究兩性關係嘅Gary W. Lewandowski教授認為,單戀係人類進化嘅產物,係人類嘅自然定律。而喺人類的進化史中,我們並唔係一夫一妻嘅,單戀或暗戀使人類對戀愛關係有想像空間,或有另一個更好、更適合嘅選擇。

而Anna Machin又話,人類好多時幻想同美化喜歡嘅對象,而暗戀同單戀對象就好似係「永遠是對的人」,因為遠離現實,永遠將佢美化,分分鐘比「有拖拍」更獲幸福感。

shutterstock
Photo from shutterstock

研究結果只供參考。不過正所謂「拍拖同見鬼一樣,要講緣份」,如果閣下無伴侶又覺得寂寞難過嘅話,呢個聖誕夜不妨煲吓愛情片,「FF」吓自己心儀嘅男神、女神,自製令你浪漫快樂嘅「多巴胺」啦!

資料來源:Medium-"Why Having a Crush Is Good for You"

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic


研究

Share to Facebook