新身份證配合新e-道「極速」過關唔洗8秒 唔洗插卡拍一拍就過到

新身份證配合新e-道「極速」過關唔洗8秒 唔洗插卡拍一拍就過到

Life 本地生活HotTalk 熱門話題
By PressLogic on 27 Dec 2018

全民換領新身份證計劃今日開始,而新身份證嘅非接觸式晶片配合新e-道,最快8秒就可過關。

新身份證過關只需除底膠套,將晶片一面向上拍卡就可以過到e-道,比用現行身份證插卡過關快四秒。

入境事務處
Photo from 入境事務處

入境事務處
Photo from 入境事務處

入境處助理處長(資訊系統)駱偉民表示,新身份證用非接觸式晶片,所以過e-道亦都唔需要插卡,只要擺喺e-道上面嘅光學閱讀器就可以感應到,閘門打開之後就可進行指紋認證。

入境事務處
Photo from 入境事務處

依家高鐵西九龍站同港珠澳大橋出入境都有新e-道運行,新e-道有大屏幕,可以清晰指示市民過關程序。如果用新身分證過關,速度會加快至8秒,較以往插卡式嘅12秒快4秒。

入境事務處
Photo from 入境事務處

入境事務處
Photo from 入境事務處

現時全港所有出入境管制站嘅e-道都已支援非接觸式過關功能,包括新設計e-道以及加裝咗光學閱讀器嘅e-道,都可用新證「拍卡」過關,而用舊卡嘅市民就可以用返插卡式過關。

以往用插卡式過e-道,次數多咗有可能會令身份證嘅晶片損耗,用新身份證非接觸式過關就無呢個問題喇!

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic


Share to Facebook