超有愛！蕭敬騰屋企收養流浪貓狗 貼心照顧仲設毛孩專用層：牠們的生命只有你

雖然唔少明星都係愛貓狗之人，但好似台灣歌手蕭敬騰（老蕭）咁會喺屋企收養咗10隻流浪貓狗，仲視毛孩為自己家人，就真係非常難得！

老蕭喺內地節目《今晚九點半》邀請主持人參觀自己嘅八層豪宅屋企，令人驚嘆嘅原來老蕭由出道至今十幾年來，共領養咗4隻流浪貓同6隻流浪狗，為佢哋提供一個溫暖嘅家。

Photo from 今晚九點見@微博

老蕭稱佢嘅毛孩為「小朋友」，有喺片場撿到、也有領養嘅，每位「小朋友」都曾經全慘受被前主人或狗場虐待、遺棄或流落街頭嘅經歷。為咗令毛孩重拾人間溫暖，蕭敬騰自設屋企其中一層為「毛孩專用」，仲為毛孩度身訂造家具設施，等佢哋可以有充足空間用餐、玩樂。蕭敬騰仲透露，佢會親自處理毛孩大小便，每日陪佢哋玩，仲會同咁多位「小朋友」一齊瞓，呢位主人真係超暖心！

Photo from 蕭敬騰@微博

Photo from 蕭敬騰@微博

喜歡動物嘅老蕭又同主持人分享自己也喜歡小孩，又分享毛孩智商同幼兒差唔多，但「牠們的生命只有你」，一生都會無時無刻陪伴著自己，小孩反而無法做到。同時又直言即使想再收養動物也要量力而為，等到未來有更大嘅空間同環境，先會繼續收養。

Photo from 今晚九點見@微博

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）