新一集《黑鏡》突襲上線！或是全新自選情節互動特別篇 片長達5個鐘！

Netflix皇牌科幻神劇《黑鏡》返嚟啦！《黑鏡》已經連續兩季以《聯邦星艦卡里斯特》同《聖朱尼佩洛》勇奪艾美獎最佳電視電影。可以話係Netflix嘅皇牌劇集。

製作單位之前預告咗會同Netflix續約繼續拍，預計今年年底前可以上線。而就喺今日12月28號，《黑鏡》終於上線！

Photo from NETFLIX Facebook

不過今日上線嘅並唔係第5季，而係特別篇！片長更達5個鐘！

之前有報導提到Netflix會推出自選情節功能，俾用戶自行選擇唔同劇情，發展出唔同嘅結局，而《黑鏡》嘅其中一集就會實行呢個功能。

Photo from NETFLIX

而目前Netflix淨係公布咗上線嘅《黑鏡》嘅片名同網址，今日上線嘅係《黑鏡：潘達斯奈基》（Black Mirror:Bandersnatch），網址同之前嘅《黑鏡》劇集網址完全唔同，而且只上線一集，同之前嘅季播模式有分別。所以有可能《黑鏡：潘達斯奈基》並唔係《黑鏡》第5季，而是一套獨立電影。

釋出嘅預告都有提到呢個係《黑鏡》特別節目。

Photo from NETFLIX

據講新一集可能係互動式電影，喺劇情推進過程中，會俾觀眾利用遙控器幫劇入面嘅角色作出選擇，揀選唔同嘅劇情繼續播放。而唔同嘅選擇會令劇情有唔同嘅發展，所以製作單位需要額外拍攝所有劇情，令成集有成足足5個鐘咁長。

Netflix之前同夢工廠動畫合作嘅《無敵貓劍俠：魔法書中遊》（Puss in Book）就有呢個功能，不過只限於iPad、Apple TV嘅用戶，因為只有Apple喺硬體上支援呢種功能。

Photo from NETFLIX

《黑鏡：潘達斯奈基》劇情設定喺1984年，當年有一套電玩叫「潘達斯奈基」，由於各種原因，始終無對外正式發行，因為當「潘達斯奈基」啟動之後，會混淆現實世界同電玩世界。

Photo from NETFLIX

Photo from NETFLIX

新一集《黑鏡》會喺今日下午4點上線，唔知今次《黑鏡：潘達斯奈基》係唔係都只限iOS用戶先可以用自選情節功能呢？

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）