download HolidaySmart 假期日常 app
演藝人協會正副會長古天樂同張敬軒 密謀搞獨立音樂頒獎禮

演藝人協會正副會長古天樂同張敬軒 密謀搞獨立音樂頒獎禮

生活熱話 娛樂新聞
By Heidi on 02 Jan 2019
Digital Editor

歌手張敬軒琴晚出席《2018年度叱咤樂壇流行榜頒獎典禮》,連掃三大獎項包括「叱咤樂壇男歌手」金獎、「叱咤樂壇我最喜愛的歌曲大獎」同埋憑《天才兒童 1985》獲專業推介 叱咤十大第5位,成為男歌手大贏家!

2018年度叱咤樂壇流行榜頒獎典禮Photo from 2018年度叱咤樂壇流行榜頒獎典禮

喺慶功宴受訪時,講起古天樂,軒仔就大爆古仔嚟緊會有一連串大搞作!事關古仔係香港演藝人協會會長,而軒仔正正就係副會長,所以佢地私底下都會有聯絡。

軒仔大讚古仔好照顧後輩:「佢好錫我哋,自從佢擔任咗會長,佢會用自己嘅資源、資金為呢個行業低調咁做咗好多嘢,所以佢拎到呢個獎特別有意義。」

2018年度叱咤樂壇流行榜頒獎典禮Photo from 2018年度叱咤樂壇流行榜頒獎典禮

軒仔仲透露古仔有意搞一個好似台灣金曲獎咁嘅頒獎典禮,而且係可持續發展、有獨立性同認受性嘅頒獎典禮。

軒仔仲話:「佢集合晒呢代嘅藝人坐埋傾咗五、六次,除咗表彰活躍歌手,對獨立廠牌公司都想俾啲肯定,但暫時都係好初步,大家都知困難重重。」雖然只係好初步嘅概念,但軒仔就話要靠古天樂嘅帶領,連開會時間都係古仔就佢地㖭。

IG@kootinlok_louisPhoto from IG@kootinlok_louis

軒仔再解釋其實呢個頒獎典禮係想將注意力放喺幕後音樂人身上,例如錄音師、混音師。仲會喺3月份舉行一場自發性嘅籌款晚會,希望可以幫協會籌到營運資金,但詳情就要稍後公布。

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel