《降魔的2》來襲！新一集有譚凱琪同C君加盟 今集會多咗喜劇感？

攞咗3次我最喜愛男角色嘅馬明主演過咁多套戲，其中一套代表作一定係《降魔的》，呢套電視劇可以話係當年嘅口碑作，更喺2017年台慶奪得「全球網民最喜愛劇集」，而續集亦都即將開拍啦！

今日劇中主角出席《降魔的》續集嘅造型記者會，而新一集暫名《降魔的2.0》，上集男女主角馬國明同黃智雯繼續留守。馬明就話上集仲有好多情節未交代，所以佢哋延續返上一輯嘅角色。

Photo from tvb

Photo from tvb

講到上集馬季同智雯飾演嘅莊芷若感情未能開花結果，馬明就話今集應該會有發展：「不過今輯安排多咗個Zoie（譚凱琪）俾我，估唔到的士佬咁多靚女埋身。」

據馬明「劇透」，譚凱琪、黃智雯同馬明應該會發生三角戀，睇嚟譚凱琪會同馬明有感情線。

而女主角黃智雯就話今集同上集唔同：「上一輯比較沉重，今集會多咗喜劇感。」原因係因為佢多咗個拍擋—c君。佢仲大爆c君嘅角色係「鹹濕鬼」，鍾意偷睇人裙㡳。智雯仲透露今集佢會有超能力幫馬明降魔添！

Photo from 黃智雯 ig

Photo from 黃智雯 ig

而上集眾多角色如石敢當、啤啤、有為、晶晶等都會返嚟！大家期唔期待呢？

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）