「大帥哥」完美演繹深情大男人 網民大讚「天嬌」譚凱琪超班演技 飾演苦戀女人

琴日嗰集《大帥哥》，講到「大帥哥」假意同「天嬌」結婚，為嘅係救番「冬來」同埋「啊嬌」、「芬女」。但係「沅婉」衝動行事，破壞咗「大帥哥」計劃，搞到「馬炭」、「落蘆」、「羅義」被困密室。「冬來」同「啊嬌」、「芬女」畀日本人當人體細菌實驗，被人注射咗細菌針。

Photo from 《大帥哥》

Photo from 《大帥哥》

Photo from 《大帥哥》

「大帥哥」為咗救佢4個兄弟，就同日本間諜「天嬌」談判！

Photo from 《大帥哥》

「天嬌」開始好嬲好唔忿氣咁話，害佢哋嘅唔係自己，而係大帥哥！佢痛心咁話：「當喺滋心苑行婚禮時，我真喺好開心好開心。我又點會唔知你係為咗班兄弟咁同我結婚，但我不斷同自己講，『唔會咖，大帥哥可能係真心真意，想同我長相廝守！』，但我真係好傻，只有萬分之一嘅機會，我都想試下。我想真真正正....做大帥哥嘅女人，我想做你嘅妻子！」

Photo from 《大帥哥》

Photo from 《大帥哥》

Photo from 《大帥哥》

佢呢番話，停頓位啱啱好，雖然越講越激動，但咬字依然清楚，完美做到一個女人苦戀，對一個男人徹底失望崩潰嘅感覺！佢激動流淚，任由兩行眼淚徐徐落下，淚眼汪汪，有種令人憐憫，但又帶點強勢，表情、語速都恰到好處，非常自然！

Photo from 《大帥哥》

大帥哥聽完呢番話，就繼續出動佢把「三寸不爛之舌」，期望可以打動「天嬌」，放咗班兄弟！本身已經成功令「天嬌」心軟，但係「天嬌」心生妒忌，要大帥哥殺咗「沅婉」先放人！身為情聖嘅大帥哥梗係唔會咁做！

Photo from 《大帥哥》

大帥哥一手捉住天嬌隻手，用把槍對準自己心口位置，一副深情咁同「天嬌」講：「如果你嘅心已經碎到拼唔番，我還番畀你！」

Photo from 《大帥哥》

之後因為「艾妞」，引起咗混亂。混亂期間，「沅婉」執起咗把槍，想殺咗「天嬌」。善良嘅大帥哥又點忍心傷害到佢啲女人，即刻衝出嚟，幫「天嬌」擋子彈！

Photo from 《大帥哥》

Photo from 《大帥哥》

Photo from 《大帥哥》

「天嬌」大受感動，答應放人！「馬炭」一放出嚟，就想即刻殺咗「天嬌」，大帥哥二話不說又企喺「天嬌」前，命令「馬炭」放佢走！

Photo from 《大帥哥》

「天嬌」考慮到佢嘅身分尷尬，諗住切腹自盡！大帥哥喺關鍵時刻，搶走「馬炭」受傷嘅槍，果斷準確射走「天嬌」手上把刀！呢一下，大男人得嚟，充滿愛！佢仲好深情而堅定咁話：「唔係，你唔係日本間諜！」「你唔係天皇嘅人，你係我嘅女人！」「你條命係我咖！」「除咗我之外，冇人可以攞你條命！」

Photo from 《大帥哥》

Photo from 《大帥哥》

張衛健嘅深情演繹，眼淚喺眼眶打滾，但又冇淚奔，有「大男人」命令式示愛同埋有淚不輕彈嘅感覺，又有內心激動、揪心時嘅身體輕微顫抖，場面甜蜜又淒慘！

Photo from 《大帥哥》

Photo from 《大帥哥》

Photo from 《大帥哥》

Photo from 《大帥哥》

Photo from 《大帥哥》

Photo from 《大帥哥》

琴日短短一幕，令成套劇提升咗另一個層次，唔少網民大讚「天嬌」譚凱琪同「大帥哥」張衛健演技出眾！

Photo from IG@zozotam1o1o

Photo from IG@zozotam1o1o

Photo from IG@zozotam1o1o

Photo from IG@zozotam1o1o

Photo from IG@zozotam1o1o

有網民更封「天嬌」譚凱琪為「歷史上第一個令張衛健演技爆發至最高境界嘅戲劇對手」

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）