你都有張多年唔捨得洗嘅小被被嗎？專家：小被被對人嘅心理意義重大！

唔少人都有由細陪自己瞓到大嘅公仔或者「小被被」，無論幾破爛都唔會揼，甚至連洗都唔捨得洗！其實我哋有呢種情意結一啲都唔奇怪，專家仲指出原來「小被被」對人嘅意義重大！

Photo from The Guardian

專家指出，被我哋依戀嘅公仔或者「小被被」喺心理學上可稱為「過渡客體」，往往喺我們出世後嘅六個月內由自己選定，作為彌補媽媽唔喺身邊時，緩解嬰兒不安感嘅慰藉物。佢哋具有同嬰兒眼中媽媽嘅特質，如可以撫摸、擁抱、取暖等。

Photo from 爆廢公社

Photo from わいどん Ydon9@twitter

隨著成長，小朋友漸漸意識到媽媽同自己為兩個獨立個體，唔能夠時刻得到貼身陪伴。為滿足呢種心理需求，我哋會更容易將對媽媽嘅依戀轉移到呢啲物品上，作為心理補償。

換句話講，一張「小被被」、一個爛公仔，都有助我哋對抗焦慮、寂寞，安心入睡。而且聞聞「小被被」上熟悉嘅味道，更係紓壓方法！

Photo from shutterstock

小被被對人嘅意義咁重大，如果唔太影響到人，就唔好強逼人戒咗佢，或者洗走陣味啦！

資料來源：The Guardian

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）