download HolidaySmart 假期日常 app
【軒仔與他的產地】重遊故鄉廣州 談及出道點滴 為發展音樂不遺餘力

【軒仔與他的產地】重遊故鄉廣州 談及出道點滴 為發展音樂不遺餘力

生活熱話 娛樂新聞
By Heidi on 07 Jan 2019
Digital Editor

2018年可謂張敬軒嘅豐收年,出碟攞獎之餘,仲做埋Youtuber!但其實張敬軒喺初出道嘅時候都經歷過唔少難關。喺呢個節目《軒仔與他的產地》,軒仔會帶大家返去自己出生地廣州,講下兒時成長嘅點滴。仲會首度曝光自己月租19萬嘅百年大宅。

軒仔與他的產地Photo from 軒仔與他的產地

雖然軒仔並非出生於大富之家,但父母俾咗佢最好嘅教育。爸爸係一位慈父,而媽媽就係一位嚴母。媽媽從來都冇讚賞過軒仔,唔想佢驕傲。一放學返到屋企,就要開始練琴,唔可以好似其他小朋友咁睇卡通片。所以軒仔由細就已經培養咗對音樂嘅熱誠。

軒仔與他的產地Photo from 軒仔與他的產地

擁有一個歌手夢,拎住3,000蚊就膽粗粗落到嚟香港。喺尖沙咀租住咗差唔多一年嘅二、三星級嘅酒店。為節省金錢,一日只食午餐同晚餐。生活漂泊,但軒仔都繼續堅持做音樂。之後為咗鼓勵自己,租住咗紅館對面嘅屋苑,仲為自己訂立咗個目標:喺紅館開完演唱會先可以返廣州。

軒仔與他的產地Photo from 軒仔與他的產地

軒仔與他的產地Photo from 軒仔與他的產地

軒仔仲話自己未成為歌手之前,其實係做錄音師嘅,雖然做錄音師收入唔高,但好重要,係一份好崇高嘅職業。佢仲接手打理Avon錄音室,呢間錄音室保留咗唔少珍貴嘅錄音資料,連Michael Jackson都嚟過呢個錄音室。

軒仔與他的產地Photo from 軒仔與他的產地

軒仔與他的產地Photo from 軒仔與他的產地

佢仲花咗唔少心思同金錢為呢個錄音室設置器材,佢話其實只係為咗情懷。佢希望呢個地方可以培育到人才,但佢都慨嘆,而家無論花幾多金錢時間去做音樂,最後都只會變成一首8蚊嘅歌。所以佢好想俾大家知道其實呢8蚊入面係包含咗幾多人嘅心血同時間。

軒仔與他的產地Photo from 軒仔與他的產地

軒仔為音樂真係付出咗好多!

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel