旅行相識情侶靠google translate一齊！已經一齊兩年～語言不通無難度！

去旅行遇到心儀對象，但又無法溝通你會點做？
外國就有一對情侶就算語言不通都無阻佢地一齊，
靠嘅係咩？原來就係google translate！

一位23歲嘅英國女仔Chloe Smith，
兩年前係西班牙一間夜總會遇上咗25歲來自意大利Daniele Marisco。

Photo from 英國郵報

佢地一見鐘情之後，就發現可以用Google Translate嚟溝通，仲透過睇影片字幕學習對方語言。
依家佢地定居係英國倫敦南部，女方係化妝師，而男方就喺意大利餐廳做調酒師～

Photo from 英國郵報

呢對情侶一直都係靠互相交流嚟學習對方嘅語言，從來無去上過正式嘅課堂！
男方仲表示聽唔明絕對唔係一個問題，因為愛火話嚟就嚟～

Photo from 英國郵報

女方就話係佢主動問男方拎電話號碼，因為覺得對方好吸引！
雖然佢以前未試過識外國男友，不過佢相信對方會為佢學習～同埋相信要為愛情付出！

Photo from 英國郵報

女方仲曾經去埋意大利，同男方家人一齊住添～
有啲朋友曾經都睇死佢地唔會長久，但時間已經證明左佢地好穩定呀！
依家佢地依然非常恩愛，女方會較男方英文，而佢就會教返佢點煮意大利菜～
大家記得出門之前，裝定個APP啦！

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）