相隔15年！繼「做隻貓做隻狗」後 胡定欣再做古巨基MV女主角 「愛情可能要計劃將來 但唔可以因為計劃而忘記乜嘢係戀愛」
古巨基同胡定欣呢兩位藝人，你未必即刻諗到有咩關連，甚至根本唔知原來佢哋係識㗎！其實當年紅到街知巷聞「做隻貓做隻狗不做情人」，古巨基嘅「愛與城」MV女主角正正就係胡定欣！
Photo from 《愛與誠》mv截圖
講返「愛與誠」其實都成14、5年前啦，當年首歌就好紅，但係MV未必有太多人留意，甚至有人到最近，透過基仔喺IG發布嘅合照上先發現，原來當年嘅MV女主角就係依家「愛與誠」嘅視后胡定欣。
《愛與誠》發表於2004年嘅7月，當年出道已經10年嘅古巨基憑《愛與誠》橫掃多個樂壇頒獎禮大獎，可以話係將佢推上巔峰。而當時先啱啱入行幾年嘅定欣，仲係努力起步階段，都難怪未有人察覺佢就係MV女主角嘅。
在 Instagram 查看這則貼文「今日係我地嘅10周年紀念，同往年一樣我地冇乜點慶祝。」 - #亂世情侶 MV ，明天中午12點 古巨基 Leo Ku YouTube Channel 首播！
古巨基 Leo Ku（@leoku）分享的貼文 於 張貼
14年半後嘅今日，已經係兩屆視后嘅定欣，再次成為基仔嘅MV女主角。依家都已經係天王天后級數嘅佢哋，到底會擦出咩火花呢？
當年係「做隻貓做隻狗不做情人」嘅小情侶。
Photo from 《愛與誠》mv截圖
依家，長大咗嘅佢哋係做一對已經一齊咗10年，為咗大家嘅將來，為咗可以結婚而努力工作，但係喺依家呢個世道，要有將來，只好每日勞碌奔波，同時忽略咗愛情嘅本質，一對「為愛下去 過下去 我們才想工作萬歲」嘅「亂世情侶」。
《亂世情侶》MV講述，當日係基仔同定欣嘅十週年拍拖紀念日，佢哋同往年一樣，無特別慶祝，因為佢哋儲緊錢，計劃結婚。
Photo from 《亂世情侶》mv截圖
Photo from 《亂世情侶》mv截圖
定欣係返office hour嘅工，而基仔係返通宵夜班。意味住二人相見嘅時間好少，每日過住同樣嘅生活。
Photo from 《亂世情侶》mv截圖
Photo from 《亂世情侶》mv截圖
基仔返工嘅時候，定欣理應差唔多放工，但係當日定欣突然間要OT
Photo from 《亂世情侶》mv截圖
為生活為將來奔波得有啲辛苦，諗一諗，當日係佢哋十週年紀念日，就send咗個訊息畀基仔。
Photo from 《亂世情侶》mv截圖
基仔睇到後，先係會心微笑，後來眼濕濕，回想過去咁多年都係掛住勞碌工作，每日如是，忽略咗戀愛。
Photo from 《亂世情侶》mv截圖
其後，基仔即刻沖去買咗個蛋糕，再帶去定欣公司度慶祝，仲去咗海邊吹風。
Photo from 《亂世情侶》mv截圖
Photo from 《亂世情侶》mv截圖
：「今晚係我哋呢幾年最深刻嘅一晚。」食吓蛋糕慶祝，去海邊吹吹風，可能好多情侶都覺得無咩特別，但對於呢對一齊咗10年，作息時間完全顛倒，見面時間極少嘅情侶黎講，呢晚提醒佢哋乜嘢係戀愛，呢晚，佢哋尋回戀愛嘅味道。
Photo from 《亂世情侶》mv截圖
：「愛情可能係要計劃將來，但唔可以因為計劃將來而忘記咗乜嘢係戀愛...」
Photo from 《亂世情侶》mv截圖
「現實會逐吋逐呎擠壓當初情意 但更要感激這測試 明瞭相戀的意義 牽手須要心懷壯志 成就了愛侶變烈士」
一對情侶，希望有將來，可能係希望結婚、希望組織家庭，亦有人會咁諗：「無樓唔敢諗結婚」，希望買樓有個安樂窩，為咗達成呢個計劃，每日埋頭工作，日夜顛倒，結果忽略咗身邊嗰個，嗰個你一開頭咁搏命咁辛苦工作，就係為咗可以同佢有個好啲嘅將來嘅嗰個。
Photo from 《亂世情侶》mv截圖
「未相信情懷輸給世道 仍在亂世中開花結果」
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
