房間亂嘅人有獨特優點!心理學家:比一般人心地更善良、更有創造力

房間亂嘅人有獨特優點!心理學家:比一般人心地更善良、更有創造力

HotTalk 熱門話題
By PressLogic on 08 Jan 2019

有無人話過你間房亂到成個「狗竇」咁呢? 有都唔好太傷心!事關原來間房亂都未必係壞事,有研究指出房間亂嘅人擁有心地善良、創造力高嘅特質,係你嘅優點嚟㗎!

日本心理專家伊藤勇司歸納自己嘅諮詢經驗,發現「從事與人密切接觸行業、樂於為他人盡心盡力」嘅人,都有房間雜亂嘅傾向。佢指出房間越亂嘅人心地會越好,因為佢哋偏向優先處理他人嘅事情,投放較少時間同精力喺自己身上。

shutterstock
Photo from shutterstock

另外,美國明尼蘇達大學有心理研究顯示,雜亂嘅環境能激發創造力。換言之,房間凌亂同樣令人更有創意。

shutterstock
Photo from shutterstock

明尼蘇達大學心理科學家Kathleen Vohs及Joseph Redden進行過一項實驗,邀請48位受試者分別進入整齊同髒亂嘅房間內,並要求想出乒乓球嘅創意新用途,再由專家依據創意度評分。結果顯示,喺雜亂房間嘅人所想到嘅構思,較喺整齊房間中嘅人高出28%創造力。

同樣地,鍾意整潔嘅人傾向傳統、舊有模式,而房間亂嘅人則喜歡新奇事物,熱愛新嘗試,故激發更強創造力。

shutterstock
Photo from shutterstock

知名人物好似愛因斯坦、馬克吐溫、蘋果創辦人Steve Jobs等,其辦公桌都以凌亂見稱,所以房間亂中有序,又方便到自己嘅話未必係壞事。

Medium
Photo from Medium

Office Snapshots
Photo from Office Snapshots

雖然「凌亂」有佢嘅好處,但大家注意唔好將佢同「骯髒」混為一談,始終睡房係自己同家人最貼身嘅作息地方,住得舒服、衛生先最重要!否則,都係執執屋啦!

資料來源:SAGE Journal

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.spresslogic


研究

Share to Facebook