download HolidaySmart 假期日常 app
有得喺電視睇小新電影!ViuTV 將於一連5個週日播放5套蠟筆小新劇場版  仲會雙語播放~

有得喺電視睇小新電影!ViuTV 將於一連5個週日播放5套蠟筆小新劇場版 仲會雙語播放~

時事熱話 香港展覽 生活熱話 美食推介
By Rachel Lo on 10 Jan 2019
Deputy Managing Editor

小新係好多人嘅童年回憶,細細個睇仲有時會畀阿爸阿媽話,而家仲有唔少人好想重溫。而嚟緊呢個星期日開始,一連5個星期日ViuTV將會播放小新劇場版。


將會於1月13、1月20、1月27、2月3、2月10夜晚,以雙語播放5套小新電影,分別有《超級美味B級美食大逃亡》、《大對決!機器人爸爸的反擊》、《黃金間諜大作戰》、《我的搬家物語 仙人掌大襲擊》、《我與我的宇宙公主》等。

《超級美味B級美食大逃亡》係講春日部市搞B級美食嘉年華,小新同朋友一齊參加,點知係去嘅途中有個陌生女士拜託佢地,將神秘醬汁送畀美食嘉年華里賣炒麵嘅阿健,點知遇到唔同嘅阻礙。

ViuTVPhoto from ViuTV

《大對決!機械人爸爸的反擊》廣志突然變咗做機器人,原來係「爸爸奮起同盟(勇敢站出來搖旗吶喊的爸爸們)」陰謀,想因而引起「爸爸革命」,令到野原家同春日部差少少被瓦解添!

ViuTVPhoto from ViuTV

ViuTVPhoto from ViuTV

《黃金間碟大作戰》小新閒逛執到動感超人嘅面具,戴上面具後發現竟然可以同動感超人通話。佢被任命為代表正義動感間諜,專門與邪惡勢力作戰,但訓練成為動感間諜畀好惡嘅大叔攻擊……

ViuTVPhoto from ViuTV

《我的搬家物語 仙人掌大襲擊!》講廣志升職被調到墨西哥,成家都要移民過去,面對人生路不熟同語言不通嘅情況,仲遇到怪鄰居,無啦啦畀仙人掌攻擊添。

ViuTVPhoto from ViuTV

《我與我的宇宙公主》講小新同小葵因為布丁而嘈,小新一氣之下話唔想要妹妹,突然就有兩個人出現,要小新簽協議書,咁佢地就可以幫手保管小葵,點知簽完就野原一家就畀UFO吸走。

ViuTVPhoto from ViuTV

ViuTV播放小新劇場版時間表
1月13日 晚上9:30分《超級美味B級美食大逃亡》
1月20日 晚上9:30分《大對決!機械人爸爸的反擊》
1月27日 晚上9:30分《黃金間碟大作戰》
2月3日 晚上9:30分《我的搬家物語 仙人掌大襲擊!》
2月10日 晚上9:30分《我與我的宇宙公主》

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel