《愛回家之開心速遞》收視破30!台前幕後勁興奮!安仔朱凌凌跳舞慶祝

《愛回家之開心速遞》收視破30!台前幕後勁興奮!安仔朱凌凌跳舞慶祝

HotTalk 熱門話題
By PressLogic on 11 Jan 2019

《愛回家之開心速遞》係好多香港人食飯嘅時候必睇嘅「送飯」電視劇~由2017年開始到依家已經播咗兩年,唔少劇中人物晚晚陪住大家,好似熊家同接龍集團等。

《愛回家》一眾演員都咁受觀眾歡迎,KC同Terry、大小姐同送水輝、仲有龔燁熊若水都係大家心目中嘅最佳拍檔。

而《愛回家》嘅收視率一直保持喺26~28左右,有穩定嘅觀眾支持。不過喺今年嘅第一日,1月1號,《愛回家》嘅收視終於突破30!

tvb
Photo from tvb

台前幕後嘅工作人員同埋演員都非常開心!仲一齊食飯慶祝添!送水輝許家傑就喺IG po咗大合照,勁熱鬧!佢話:「#愛回家之開心速遞 新一年有個好開始!1月1日收視破30點!呢一年一定繼續開開心心🎉🎉🎉 #兄弟姊妹太多 #tag唔晒」

許家傑 IG
Photo from 許家傑 IG
許家傑 IG
Photo from 許家傑 IG

而Terry都有喺IG po咗一張有KC嘅P圖,並留言話:「台前幕後嘅努力冇白費,多謝各位電視機嘅觀眾同網上嘅朋友,感謝大家支持開心速遞!😆👏👏👏#開心速遞#愛回家之開心速遞」睇到KC同Terry個樣都好開心~

李偉健 IG
Photo from 李偉健 IG
李偉健 IG
Photo from 李偉健 IG

咁開心,安仔佢哋梗係要跳舞賀一賀佢!


在 Instagram 查看這則貼文

🎊跳返隻舞嚟賀一賀🎊 收視去到30.5,自然有mood跳舞。 想多D睇到我地跳舞嘅片,就多D睇開心速遞...收視越高,我地就繼續po 🎉 #開心速遞

Ricco Ng(@riccong)分享的貼文 於 張貼


在 Instagram 查看這則貼文

🎊跳返隻舞嚟賀一賀🎊 愛回家之開心速遞新蒸頭一月一號嗰集嘅收視達30.5!🎉🤩 新嘅一年,新嘅開始,有你哋在旁我哋只會越做越好!🥰大家繼續支持我地啦!💕😘 #愛回家之開心速遞 #2019 #thisyearstheyear #天才聯盟補習社 #金城安 #朱凌凌 #池子孝 #天才佐治 #熊心如 #🐻❤️🐟

Andrea So 蘇韻姿(@andreaso_)分享的貼文 於 張貼


在 Instagram 查看這則貼文

🎊跳返隻舞嚟賀一賀🎊 《愛回家之開心速遞》有好成績,一直有賴大家嘅支持!多謝!💪🏻希望各位2019年繼續,唔好比佢停🎉🤟🏻 #開心速遞 #01012019 #收視30點5🤭

周嘉洛 Kalok Chow(@kalok_)分享的貼文 於 張貼

網友見到都紛紛恭喜《愛回家》劇組:「勁呀!處境劇可以破30點,呢個係夢幻組合,最強劇組!」、「繼續努力 下次破40點」

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic


Share to Facebook