盤點張衛健式喜劇 大帥哥/齊天大聖孫悟空/功夫足球 完美演繹笑中有淚！

《大帥哥》上星期已經播出大結局，唔知大家對結局滿唔滿意呢？張衛健喺演藝生涯當中做過唔少喜劇，但其實佢嘅喜劇大部分都係一開始輕鬆搞笑，後期就變得好虐心。

而唔少觀眾一開始都係為佢鬼馬嘅演出而睇，但後來卻被劇情所感動。而張衛健本人一直都希望佢嘅喜劇係包含真摯嘅情感。一齊重溫下佢以往笑中有淚嘅作品喇～

Photo from 張衛健 weibo

1. 《大帥哥》

啱啱播完嘅《大帥哥》一開始就以張衛健式嘅金句串連，包括《小寶與康熙》：「涼風有信，秋月無邊，虧我思嬌嘅愁緒好比度日如年。雖則我唔係玉樹臨風瀟灑倜儻，但我有廣闊嘅胸襟加強勁嘅臂彎。」；《齊天大聖孫悟空》：「型到跌渣！」

而佢同馬炭、羅義等五兄弟更因為同《Keroro軍曹》角色設定相似而被網民認定係「Keroro真人版」，不過隨住劇情發展，天嬌嘅日本臥底身分、馬炭嘅背叛，都令劇情變得緊張。

天嬌同大帥哥剖白嘅場面真係勁催淚，唔少觀眾都睇到好感動。叛變嘅馬炭連兄弟羅義都殺埋，更加令劇情再掀高潮。

Photo from 《大帥哥》

Photo from 《大帥哥》

而最後馬炭同蒙大帥同歸於盡，同大帥哥講話要好似倒酒俾羅義咁倒酒俾佢嗰下都好震撼～連大帥哥聽到都面色一變。

Photo from 《大帥哥》

Photo from 《大帥哥》

另外大帥哥喺教堂一邊流眼淚一邊話：「係！我就係傻仔，只要我認定嗰個人係我兄弟，佢就永遠係我兄弟！」完全感受到佢嘅痛心疾首！

Photo from 《大帥哥》

Photo from 《大帥哥》

《大帥哥》去到後期，一開始嘅「全家福」最後只係淨返5個人。

Photo from 《大帥哥》

2. 《齊天大聖孫悟空》

呢套戲係張衛健第二次做孫悟空，又係一開始有好多金句：「型到跌渣！」、「噼啪你個隆的咚！」等，仲有歌仔唱：「「大笨象會跳舞，馬騮仔會上樹，狐狸會打關斗，唏！山豬山豹山羊，山中有隻老羊，望見老孫發吽哣！」，大家都應該仲記得～

Photo from 《齊天大聖孫悟空》

同《西遊記》唔同，今次嘅大聖較為多情，有3段感情戲，包括蜘蛛精、白骨精同紫蘭仙子。

Photo from 《齊天大聖孫悟空》

雖然有3段感情，但只有紫蘭仙子先係孫悟空嘅真命天女，佢哋本來一個係花果山嘅隕石，一個係紫蘭花，隕石為紫蘭花遮風擋雨，而紫蘭花受隕石嘅精華而成仙。之後成仙嘅紫蘭仙子同孫悟空相戀，但後來為咗阻止天魔破印而出，紫蘭犧牲自己拯救天下蒼生，未能同悟空修成正果，而悟空取得西經之後亦都決定做返石頭為紫蘭花繼續遮風擋雨。

Photo from 《齊天大聖孫悟空》

相愛而唔可以相守，真係好慘！

3. 《功夫足球》

唔知大家仲記唔記得「哈雷彗星大S射球」？呢套戲將功夫同足球兩樣嘢crossover，而參演嘅演員有吳君如、杜汶澤、黃一飛、八兩金等，加上一開始嘅劇情，令人覺得呢套戲係喜劇。

Photo from 《功夫足球》

事實上真係有好多笑位，不過當劇情發展去到後期，要同對手球隊比賽，虐心就開始喇！

先係飾演張衛健家姐嘅吳君如因同南拳比試身受重傷而離世，跟住又到杜汶澤飾演嘅陸轆為咗捐肝俾隊友失血而死，最後林曉峰飾演嘅林江龍亦都俾敵對球隊領隊電死。

Photo from 《功夫足球》

Photo from 《功夫足球》

親人隊友都相繼離自己而去，張衛健飾演嘅唐小順經歷生離死別而重新振作，打敗敵人真係唔易！

張衛健過往嘅喜劇，當中其實都有好多喊位，真係笑中有淚，難怪張衛健都話：「要把笑聲和涙水放在一起，真的不是一件輕鬆的工作！」

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）