朱咪咪見義勇為救10歲自閉童 :既然係特殊孩童,真係唔可以單靠一個老人家去照顧!

朱咪咪見義勇為救10歲自閉童 :既然係特殊孩童,真係唔可以單靠一個老人家去照顧!

生活熱話
ByIvoryon18 Jan 2019Digital Editor

朱咪咪近年處於半退休狀態,好多時都會番新加坡陪家人。日前,有新加坡傳媒以「男童亂過馬路 朱咪咪停車狂追」為題,報道朱咪咪喺新加坡勇救一名10歲自閉童,避免一場嚴重交通意外。

微博@朱咪咪
Photo from 微博@朱咪咪

朱咪咪接受當地傳媒訪問嘅時候話,喺15日下晝,佢喺美華巴剎與熟食中心(May Flower Market)揸車出發時,見到一名著住校服、年約10歲嘅男童無視馬路上嘅車,喺馬路狂奔,而有一位婆婆就好吃力咁跟住個男仔跑。

微博@朱咪咪
Photo from 微博@朱咪咪

就喺個男仔橫衝直撞咁過馬路嘅時候,突然見到有架巴士駛緊埋嚟。佢架車就喺隔離,所以即刻響按,提示個男仔。但發現嚟唔切,門冇閂、銀包冇拎咁就落咗車,諗都冇諗就追住個細路,不斷叫佢「唔好跑!唔好跑!」朱咪咪回想嘅時候都話:「我真係畀佢嚇死!」

微博@朱咪咪
Photo from 微博@朱咪咪

好彩嘅係,個細路成功避過架巴士。朱咪咪話個男仔跑得好快,閃過架巴士,佢捉都捉唔住。之後番轉頭搵個婆婆嘅時候,婆婆話呢個小朋友係患有自閉症。」朱咪咪聽到嚇親仲感觸咁話:「起初仲以為兩婆孫係度玩,既然係特殊孩童,真係唔可以單靠一個老人家去照顧!」

微博@朱咪咪
Photo from 微博@朱咪咪

唔少傳媒成日影到朱咪咪參加慈善活動,又經常為長者表演,有時仲會去老人院探望公公婆婆,送吓餅乾同派吓米等。今次仲出手救細路,真係好難唔鍾意佢~

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook