#10yearschallenge成開始環保契機 地球10年變化 全球暖化+冰川融化

最近「10 years challenge」瘋魔全球，世界各地嘅市民都即刻搵番10年前嘅相同依家對比。有啲人成熟又靚咗，有啲人就凍齡，靚樣依然。然而，有環保團體同網民就整咗幾張圖，反映地球呢10年嘅變化。

Photo from IG@zozotam1o1o

北極熊10年前肥肥白白，居住嘅地方都係滿滿冰塊，行路都「腳踏實地」啲～但十年後，因為全球暖化，冰川都溶得七七八八，北極熊冇嘢食，隻隻都變到瘦骨嶙峋，塊面同個身都凹晒，睇到都心痛。

Photo from 網上圖片

另一張相就係原本一座大冰山，10年後竟溶到得番「冰山一角」，四周被海洋包圍住～

Photo from 網上圖片

Photo from 網上圖片

Photo from 網上圖片

世界環保組織綠色和平就喺社交網站上載咗一張相，相入面同樣係有嘅人坐住船去同一個地方（應該係）。對比上下圖，上面張相嘅冰好似一幅牆咁，遮住咗啲山；而下面張相可以見到「冰牆」不見了，3座山峰「重見天日」。

Photo from Green Peace

喺地圖上面，亦都見到好大嘅變化，冰川面積越來越少，隨之而來嘅就係海洋面積不斷擴大。

Photo from 網上圖片

海洋10年嘅變化除咗多咗好多膠樽、膠袋、發泡膠等，仲令部分海灘「海藻為患」。水中嘅環境，無論水溫、酸鹼度、光照度、混濁度等都會直接/間接影響藻類嘅生長。海藻繁衍過盛，亦會危害水中生物嘅生存空間。換句話說，人類嘅行為除咗污染海洋環境，更係危害海洋生態。

Photo from 網上圖片

大家見到呢啲相片，見證住呢個地球10年嚟嘅巨變，希望大家從依家開始減廢、減排，攜手保護我哋住緊嘅地球！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）