全球最紅小狗Boo逝世！治癒笑容伴網民逾10年 到天堂與好友相聚！

相信有唔少喜歡寵物嘅朋友，都會喺網上見過呢隻可愛松鼠狗嘅相片，佢就係曾獲「全球最可愛狗狗」美譽嘅寵物界網紅犬「阿Boo」。阿Boo嘅一舉一動、每個能融化人心嘅笑容，為唔少網民帶來慰藉，可惜喺上星期五 (1月18日)，年僅13歲嘅Boo要離開人世，同好友Buddy喺天堂再聚啦。

Photo from FB@Boo

Boo嘅Facebook專頁共超過1千600萬人讚好，主人不時都會分享有關Boo同Buddy嘅相片同生活小片段，兩隻可愛小狗得意嘅外貌，超治癒嘅笑容獲得唔少網民愛戴，陪伴網民逾10年，相信即使人生遇上失意或挫折，只要見到Boo嘅照片，都會被融化而會心微笑。

Photo from FB@Boo

Photo from FB@Boo

不過主人講到自從好朋友Buddy於2017年離開人世後，Boo就開始出現心臟問題，令網民非常擔心。直至上周六(19日)，主人喺FB專頁向網民公布Boo死訊，指Boo喺1月18日上午睡夢早離世，雖然Boo主人一家非常難怪，但知道Boo從此再無痛苦，而且可以同Buddy於彩虹橋相聚，可算是種安慰。

Photo from FB@Boo

Photo from FB@Boo

自主人成立Boo專頁之後，有不少網民向Boo主人分享自己因為Boo而從難過失意中得到一絲慰藉嘅故事，而主人亦喺文中提到Boo係佢見過最快樂嘅小狗，能夠帶給網民絲絲溫暖同快樂，已達到專頁建立嘅目的。主人又話到日後「再次相見」時，希望Boo同Buddy可以喺天堂再跑嚟跑去，製造更多快樂故事。

Photo from FB@Boo

Photo from FB@Boo

有唔少網民聽到呢個難過消息後，話「傷心心情非常難以形容」、「今日喺我最難過嘅一日，因為Boo我家中先有4隻漂亮嘅小狗」、「喺充滿討厭、壓力、動盪世界中，永遠有最純真嘅Boo在。天堂多了一個天使，我們卻失去了一個」。

Photo from FB@Boo

Photo from FB@Boo

Boo居於美國三藩市，於2006年春天被主人帶回家，其後主人為Boo開設專頁，與狗朋友Buddy於網上爆紅，主人更曾為小狗出版2本書，Boo亦不時會出席公開活動，於世界各地均非常受歡迎。

Photo from FB@Boo

日後粉絲們只能睇住Boo舊照片紀念曾經為網民帶來無比快樂嘅Boo啦。不過相信猶如主人所言，Boo可以同Buddy相聚，相信佢喺天堂會過得快樂，成為最可愛嘅小天使。

圖片來源：FB@Boo

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）