搞笑小食！台灣摩艾石像小食！大啖咬復活島世界遺跡～

「DUM DUM」！如果有睇電影《翻生侏羅館》嘅話，就會知呢句係復活島石像嘅對白～平時呢啲石像大家就睇得多，原來係可以食嫁！

台灣呢間cafe推出左樣好搞笑嘅小食，呢個小食嘅趣怪模樣真係好得意！
其實就係夜市一定有嘅人形燒喇，有5款唔同樣嘅石像俾大家揀～

Photo from 摩艾人形燒 官網

呢啲摩艾石像人形燒，其實係店主諗住小試牛刀，點知得意嘅模樣吸引左大家，好多台灣人都紛紛慕名而去！店主表示受寵若驚，多謝大家嘅支持～

Photo from 摩艾人形燒 官網

呢個摩艾人形燒每日 2點後先有得供應，而且數量有限，售完即止嫁！
有 4隻口味俾大家揀，原味（40台幣；約$10）、芝麻（45台幣；約$12）、烏龍茶（50台幣；約$13）同隱藏版味道（45台幣；約$12）！每日都新鮮出爐，夠哂熱辣辣、香噴噴～

Photo from 摩艾人形燒 官網

除左人形燒，仲有另一個menu都搵到復活島人像嘅身影，就係早餐入面嘅烤蛋喇！
食到咁大份烤蛋，造型又咁可愛，一定有一個好滿足嘅早晨！

Photo from 摩艾人形燒 官網

套餐點心入面嘅摩艾石像奶凍，係近期最受歡迎嘅餐點！
有經典原味（當季水果）、養生芝麻（焦糖香蕉）同宇治抹茶（紅豆），全部都係85台幣（約$22），每日都新鮮整，賣完就冇嫁喇～
因為呢款奶凍太受歡迎，好多客人去到已經賣哂，所以店主為左唔令大家失望，都鼓勵大家提前打電話或者send信息去訂想食嘅口味！

Photo from 摩艾人形燒 官網

cafe係一間小店，所以供應量同速度都有限，大家如果想食好西就要俾啲耐性喇！
不過想消磨等待嘅時間都唔難，cafe入面都有商品販售區，賣啲同復活島石像有關嘅產品，仲會搵到佢地嘅人形燒模具添！

Photo from 摩艾人形燒 官網

Photo from 摩艾人形燒 官網

《Dum Dum 摩艾人形燒》
地址：台中市北區博館東街9巷1號
營業時間：11:00am-6:00pm
電話：+886 916 984 320

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）