download HolidaySmart 假期日常 app
《職場女王攻略》「希望實力同學歷可以睇齊」!學歷係咪真係決定一切?有實力有經驗無學歷  都注定爬唔到上去?

《職場女王攻略》「希望實力同學歷可以睇齊」!學歷係咪真係決定一切?有實力有經驗無學歷 都注定爬唔到上去?

時事熱話 生活熱話 電視電影 美食推介
By Rachel Lo on 24 Jan 2019
Deputy Managing Editor

《職場女王攻略》由樂壇天后珍妮花露柏絲(Jennifer Lopez)主演兼監製,睇題材會覺得係控訴社會只睇學歷,唔睇經驗+實力咁請人,但其實有唔少笑料同道理帶出。

故事講喺大型超市擔任助理經理又有實力嘅Maya,等咗多年終於好似有升職機會,點知都係畀個有大學學位、得理論又無實力嘅男人空降落嚟,令佢大失所望,慨嘆就算有料但無「沙紙」都係唔成事。

Intercontinental FilmPhoto from Intercontinental Film

而佢嘅生日願望就係「希望實力同學歷可以睇齊」,佢嘅契仔為咗幫佢「達成願望」,幫佢捏造背景,變成有哈佛學歷,仲有令人驚嘆嘅工作經驗、經歷,壩埋佢申請唔同嘅工作,點知真係有間大公司想請佢出任高層,仲有大屋畀佢住、唔同百貨公司嘅禮品卡,好似變成灰姑娘咁。

Intercontinental FilmPhoto from Intercontinental Film

開頭以為單純講社會好多視「學歷」為一張「入場券」,從而看輕「實力」同「經驗」,但原來仲有延伸另一啲社會問題。

「假學歷」給予佢唔同嘅認同、肯定同信心,但同時發生唔少蝦碌事件,例如佢唔知原來契仔幫佢建構假背景,喺Facebook Page講佢有一堆唔同嘅長處,好似賽艇、識普通話等,有驚無險咁過到骨,但就會諗唔知幾時畀人拆穿。

Intercontinental FilmPhoto from Intercontinental Film

而且成套戲嘅重心原來唔係「人地點睇Maya無學歷」,係「Maya點睇自己無學歷」,如果連佢都睇低自己,唔敢去面對,逃避並用自己學歷唔夠為藉口咁自怨自艾,咁又有邊個會睇重佢?

《職場女王攻略》亦唔係講到學歷唔重要,因為好似Maya契仔本來入讀史丹福,讀讀下打算退學,因為點解要去讀佢已經識嘅嘢,Maya認為佢都係要讀埋,一邊向自己夢想進發之餘,都要完成學位。

Intercontinental FilmPhoto from Intercontinental Film

而入面老闆個女Zoe就係唔少人心目中想成為嘅女仔,有一個有錢爸爸,都有個好學歷,一去到爸爸公司就可以做高層,但對於佢嚟講做生意同管理,唔係佢想做嘅嘢,只係媽媽逝世,爸爸需要佢,令佢放棄自己鍾意讀嘅科目,返去陪爸爸同幫助佢。

當中佢嘅犧牲只有佢自己同佢爸爸知,旁人只會覺得佢係靠父蔭、空降落嚟。要承受嘅壓力同被先入為主嘅想法,容易被否定佢嘅實力同能力。

Intercontinental FilmPhoto from Intercontinental Film

電影入面就係睇到Maya點樣因為學歷而失去佢應有嘅經理職位,再感受到因假學歷得到嘅好處,同時為咗唔畀人篤穿,不斷做唔同嘅事去掩飾,就好似逃避佢原本嘅人生,亦正如佢明明好愛男友,但都講唔出佢唔想結婚嘅原因,同樣係無辦法正視自己嘅過去同原來嘅人生。

Intercontinental FilmPhoto from Intercontinental Film

要接受過去,接受自己,先可以去衝,先可以成功。其實電影仲有一條伏線,講嘅係難以啟齒嘅真話同大話,以及親情,不過為免劇透,就等大家入場搵一搵~

Intercontinental FilmPhoto from Intercontinental Film

香港1月24日上映~

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel