新年放假唔駛拜年梗係睇劇!推介5大2018已完結日劇  一口氣睇晒咁多集  唔駛追睇咁辛苦

新年放假唔駛拜年梗係睇劇!推介5大2018已完結日劇 一口氣睇晒咁多集 唔駛追睇咁辛苦

Hong Kong 香港食玩Life 本地生活HotTalk 熱門話題
By PressLogic on 04 Feb 2019

新年放假拜完年,多數會喺屋企休息,因為有啲商舖都未開市,同埋「街邊太多人與車」﹐唔想同人迫就會揀毒在家中。咁放長假唔知做咩好,就可以考慮下喺屋企煲日劇,睇下上年已經完結日劇!


今次精選咗上年5套口碑好好嘅日劇劇集,當中有查案,亦有關於親情、愛情、搞笑等,應該適合唔同喜好嘅人,排名不分先後:

1. unnatural

TBS
Photo from TBS

被稱為石原里美(又名石原聰美)突破演技之作,因為佢唔再做「小惡魔」,都再唔係演好識打扮嘅女仔,而係一個會冷靜分析,偶爾有少少衝動嘅法醫,同比較資深嘅法醫中堂系成日會有唔同嘅衝突,但其實兩個人都互相敬佩對方。

TBS
Photo from TBS

TBS
Photo from TBS

劇情用法醫角度,帶出唔同嘅社會問題、人性,每次睇到一集嘅尾段都會驚編劇嘅用心佈局、細膩嘅描寫,再喺適當嘅時間播出由米津玄師嘅主題曲《Lemon》,就會有種悲傷嘅感覺。

TBS
Photo from TBS

 

2. 信用詐欺師JP

fujitv
Photo from fujitv

唔想睇太正經嘅劇,想新年開開心心笑下嘅話,《信用詐欺師JP》係個唔錯嘅選擇,成套劇可以話真係睇靚仔東出昌大、靚女長澤雅美點樣突破自己嘅底線,不斷咁扮唔同人設天仙局呃人錢,而劇情每集都幾乎峰迴路轉。

fujitv
Photo from fujitv

入面主要圍繞住3個角色,劇中佢地用化名稱呼大家,好似達子(長澤雅美 飾)學習能力超強,可以快速咁掌握要「扮演」嘅角色,因為貪錢成日利用小少爺(東出昌大 飾)完成任務;小少爺雖然成日有怨言又話要退出,但每次佢都係一個好重要、配合達子嘅角色。

fujitv
Photo from fujitv

fujitv
Photo from fujitv

不得不提老戲骨小日向文世,呢個演員真係演奸人定正派角色都出神入化,而呢次佢演嘅理查就係笑裡藏詭計,機關算盡。

fujitv
Photo from fujitv

但每一集都會發現畀人呃嘅人唔係一啲無辜嘅人,呢3個詐欺師似乎用自己嘅方式執行正義,同時也賺唔少錢咁。每次見到佢地嘻笑怒罵咁呃唔同人,仲見到長澤雅美拋開形象,展現唔同搞笑嘅顏藝,都好值得一睇~

另外一提佢地之前仲喺香港拍攝電影版,喺香港唔同地方取景,唔知香港會唔會上映呢。

fujitv
Photo from fujitv

 

3. dele

テレビ朝日
Photo from テレビ朝日

呢套又名《刪除人生》,由演技派山田孝之同菅田將暉主演,比一般日劇短,只有8集。而題材都幾挑戰而家社會嘅底線,就係講一間公司專門幫委託者死後刪除佢地唔想畀任何人見到嘅data。

テレビ朝日
Photo from テレビ朝日

當委託人手機超過幾日使用,就會有通知傳到去佢地嘅電腦,佢地就要去確認委託人係咪真係已經離世,如果確定係就會將委託人交帶嘅data delete。

テレビ朝日
Photo from テレビ朝日

テレビ朝日
Photo from テレビ朝日

唔少睇過觀眾都表示每一集嘅描述、運鏡都做到好似電影咁,用一啲日常生活好易忽略嘅細節,帶出唔同人對佢地嚟講生存嘅意義,好多集都令人動容,尤其第4集曾經紅極一時嘅超能力少年,每個細節嘅小佈局,同埋營造嘅懸疑氣氛都好到位。

テレビ朝日
Photo from テレビ朝日

 

4. 無法成為野獸的我們

ntv
Photo from ntv

ntv
Photo from ntv

呢套網上評語好壞參半,但其實如果已經出咗社會做嘢嘅朋友或多或少會有共鳴。睇落好似係一套愛情劇,但實際上係講我地做嘢成日會遇到嘅情況,訴盡職場嘅辛酸。

ntv
Photo from ntv

明明工作能力超班、好有責任感,但老闆認為深海晶(新垣結衣 飾)只係正常能力嘅員工,其他人就係唔達標,成日無理咁加重佢工作負擔,明明唔係佢嘅職責,但知道佢會畀心機做同細心,就全部塞晒畀佢做,仲會假期都不斷同佢講公事。

ntv
Photo from ntv

晶一直都笑臉迎人,就算遇幾大問題都會拆掂佢,同事仲要成日有蘇州屎要佢執,但原來咁嘅佢私底下都收埋咗唔同嘅煩惱,例如話佢同男友一直避而不談嘅問題。

ntv
Photo from ntv

喺手工啤酒酒吧認識嘅根元恆星(松田龍平 飾)雖然毒舌,但一針見血咁帶出問題。但好似咁理性嘅佢,背後都收埋咗感情同家庭煩惱。

ntv
Photo from ntv

 

5. 繼母與女兒的藍調

TBS
Photo from TBS

呢套有幾個好搶眼嘅看點,首先睇到綾瀨遙一本正經,工作能力超強,為咗做成生意不惜一切,反而正經到幾搞笑,而身為工作狂嘅佢突然話要同對立公司嘅職員結婚,令下屬、上司都大惑不解,就連佢老公(竹野內豐 飾)嘅小學生繼女美雪都無法接受。

TBS
Photo from TBS

血緣係咪真係咁重要?

TBS
Photo from TBS

好少見到竹野內豐無留鬚、飾演一個溫文嘅爸爸,而綾瀨遙不斷做好多嘢希望美雪接受佢,慢慢會令到莧眾都好鍾意睇到佢地3個愈嚟愈似一家人,甚至到某一個會為佢地而落淚。

TBS
Photo from TBS

係一個笑中帶淚嘅故事,由得到變到失去,再去學識放手。

TBS
Photo from TBS

 

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.spresslogic


Share to Facebook