日本無印公布2018年最高銷量排行榜！20款推介產品一覽 無印控就絕對要有！

日本無印每年都會公布年度最高銷量排行榜，向大家推介最熱門及最受歡迎商品，而2018年度最高銷量人氣排行榜，喺早前終於面世啦！大家絕對不能夠錯過以下好用產品，而「無印控」嘅朋友更加絕對要留意啊！

Photo from Muji

日本無印將排行榜分類，再於每個類別當中各選出5種產品入圍，類別包括生活日用品、雜貨、衣物、以及家品，大家一齊睇下以下4個類別有邊5大人氣商品啦！

〈人氣生活日用品排行榜〉
NO.5 溫和潔面啫喱
崇尚天然、無添加嘅無印良品，所出品嘅化妝品及護膚品所謂大受歡迎。而呢款「溫和潔面啫喱」就包含曬潔面同卸妝，而且成份天然、低刺激，即使皮膚有過敏問題都一樣可以用。而最重點係可用於濕潤肌膚上，所以絕對係懶人恩物啊！

Photo from Muji

NO.4 鋁質吊帶背心用晾衣架
第4位呢個晾衣架真係估都估唔到會咁受歡迎，相信原因係衣架兩側嘅凹位設計，非常方便用家晾肩帶類衣物，以防止肩帶滑落，設計好細心！除咗背心類外，仲可以掛胸圍內衣、手袋等等，所以呢款晾衣架受歡迎唔係無原因㗎！

Photo from Muji

NO.3 纖維旅行証件套
呢個証件套可謂旅行必備啊！呢個証件套附有拉鍊，以防重要物品跌出嚟，而且有唔同袋位，另外仲可以買當中嘅磨砂袋不斷加入去，咁就可以旅行時有效分類機票、貨幣、便條、單據等等，真係好用又方便！

Photo from Muji

Photo from Muji

NO.2 敏感肌系列護膚品
無印嘅護膚品其中一個受歡迎原因當然係無添加啦，產品不含香料亦不含色素，好多敏感肌膚嘅人，都自然會對無印產品非常有信心，而當中嘅敏感肌專用護膚品系列簡直係重中之重！

Photo from Muji

呢個系列包括爽膚水、乳液、乳霜、潔面乳、卸妝油等應有盡有，而當中最出色嘅非敏感肌爽膚水莫屬！因為呢款爽膚水仲有細分清爽型、保濕型、高保濕型3類，真係不論乾躁肌定油性肌都絕對啱用啊！

Photo from Muji

NO.1 PP文件格
第一名登場啦！2018年度生活用品類當中最高銷量產品，就係呢款PP文件格！呢個純白色文件格除咗外表簡約又吸引之餘，仲有唔同高度、寬度大小可供選擇，方便放喺唔同文件櫃或桌上。

Photo from Muji

而另一受歡迎原因，相信係由於呢款PP文件格有斜形及平形之分，斜形文件格非常方便擺放文件夾，拎出嚟亦唔麻煩！而平形文件夾就可以儲放唔同類型用品，例如玩具、衣物、精品都一樣無問題！

Photo from Muji

〈人氣雜貨排行榜〉
NO.5 聚酯纖維背囊
呢個聚酯纖維背囊除咗可以有少少防水作用外，仲採用咗可減輕肩膊負擔嘅肩墊，而且內附存放平板電腦嘅網袋，所以非常適合中學生或大學生返學用㗎！

Photo from Muji

NO.4 撥水加工有機棉束繩便服鞋
呢款鞋特別之處係採用經過撥水加工處理嘅棉製成，咁就無咁容易沾上水性污垢，微雨季節想着白鞋都唔洗擔心啦！而且內附鞋墊，着上去非常舒服啊！

Photo from Muji

NO.3 有機棉混無側縫睡衣
呢種無側縫設計睡衣，穿着時就會更舒適，而且質地柔軟，着住佢瞓覺一定超舒服啊！

Photo from Muji

NO.2 內褲
無印連內褲設計都照顧周到，除咗用料舒服外，仲有唔同設計款式可供選擇，例如中腰、高腰、平腳款都有！

Photo from Muji

NO.1 襪子
又嚟到雜貨款嘅第一位啦！就係無印非常大受歡迎嘅襪子款！無印設計嘅襪子顏色或花紋都非常簡約，襯任何鞋款都無難度啊！而且無印所用質料為有機棉，非常舒服又唔會咁易出現腳臭問題，絕對值得登上首位啊！

Photo from Muji

〈人氣衣物排行榜〉
NO.5 女裝棉混樽領平織套頭針織上衣
呢款套頭上衣以100%羊毛製造，衣領部分就用咗觸感舒適嘅棉混素材，因此非常柔軟唔會出現「拮頸」情況，而且可以放入洗衣機清洗，處理簡單，對於懶人而言當然大受歡迎啦！

Photo from Muji

NO.4 法蘭絨長袖恤衫
呢款法蘭絨長袖恤衫採用幼身而又堅韌嘅雙線再起毛加工，所以觸感相當柔軟，而且較為厚實挺身，加上有兩款領位設計可供選擇，單件着都無問題！

Photo from Muji

NO.3 有機棉洗水裇衫
呢款有機款裇衫經洗水加工處理，所以質感柔軟自然，而且帶點牛仔裇衫感覺，男士們上班再加多件外套作穿搭已經相當Smart Casuel又好睇，簡直係上班必備！

Photo from Muji

NO.2 亞麻布
勇奪第二名嘅竟然唔係一款產品，而係一個質地啊！日本無印採用法國亞麻布，質感通爽，非常適合炎炎夏日穿着，而且法國麻吸濕易乾，洗上嚟一啲都唔麻煩啊，所以真係大受歡迎㗎！

Photo from Muji

NO.1 有機棉T裇 (長袖、短袖)
而衣物類嘅第一名就係有機棉T裇啦！不論長袖、短袖都大受歡迎嘅T裇源於無印喺頸部肋骨位加上彈性線，即使反覆清洗都唔易變形。加上款式都非常多，中意咩款都有啊，各位無印控絕對要入手一件！

Photo from Muji

〈人氣家品排行榜〉
NO.5 木製堆砌架
無印為木製堆砌架推出咗多重款式，包括兩層架、連接架、開放式層架等等，只要家中有一個空間而大家又唔知可以點處理，又或者想妥善利用家居空間進行收納，就可以買下各式各樣堆砌架，砌出方便自己嘅櫃或層架，所以絕對啱曬成日搵唔啱傢私嘅人啊！

Photo from Muji

Photo from Muji

Photo from Muji

NO.4 PE儲物盒
呢款PE儲物盒採用柔軟嘅聚乙烯製成，而且有蓋子，方便儲物盒堆疊之外，盒內用品唔易沾塵。用於櫃內衣物分類、擺放個人護理產品、小飾物零件都非常啱用！

Photo from Muji

NO.3 PP文件抽屜
呢款文件抽屜款式多，有高、矮、寬、窄都有齊，因此用途非常多元化，扁身抽屜可用於放置紙品、文件、信等，而高身抽屜就可以放大型工具、衣物等，而且抽屜式好方便，中意收納整齊嘅朋友必要入手啦！

Photo from Muji

NO.2 豆袋梳化
無印嘅豆袋梳化的確非常好坐，瞓落去簡直唔願起返身啊！而且豆袋型設計，坐上去會隨身形變形，無論大小朋友都適合，咁就可以舒舒服服睇電視啦！

Photo from Muji

NO.1 附床板彈簧床墊
嚟到家品類別嘅第一名啦！冠軍屬於附床板彈簧床墊啊，不過香港暫時好似未有發售，最近都要到台灣先有。無印嘅彈簧床墊出名舒服，使用彈力十足嘅邦內爾彈簧，而且設計可以全面承托身體，唔會瞓到周身骨痛。不過想要呢款第一名產品，可能要喺香港分開買床墊同床架啦！

Photo from Muji

無印控係時候跟住呢個全年最高銷量清單入手啦！

圖片來源：MUJI
資料來源：Muji.jp

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）