睇人行路知性格？研究：行路快嘅人較唔開心 比步伐慢嘅人急躁同神經質

香港人出名步伐急速，不過唔講唔知，行路快原來未必係好事！美國有研究指出，行路方式同個性有莫大關係，而習慣行路快嘅人，原來性格較易緊張、神經質，同埋容易陷入唔開心嘅情緒！

研究針對年齡介乎15至60歲嘅上班族，了解行路習慣同性格、心理健康之間嘅關係。

研究人員Dr. Stephanie Studenski博士表示，習慣行路速度快、身體前傾嘅人，個性比較愛將焦點放喺完成目標上面，行路時只想盡快到達目的地，會對途中遇到嘅障礙物會感到煩燥，容易發脾氣同精神緊張。

Photo from shutterstock

另外，行路方式某程度上反映個人嘅思考同處事模式。行路快嘅人個性比較神經質，做事較急進，難以放鬆自己。所以比起行路慢嘅人更易產生負面思想，快樂指數因此較低。

Photo from shutterstock

相對而言，行路慢嘅人較有耐性，待人接物態度相對寬容，心情更為平靜放鬆，懂得享受生活。

Photo from shutterstock

都市人日忙夜忙，返工放工都要「趕頭趕命」。不過為咗自己心情著想，大家不妨學習放慢腳步，感受沿途身邊嘅風景事物啦！

資料來源：JAMA – The Journal of the American Medical Association

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）