download HolidaySmart 假期日常 app
龔水線派糖!若水默默守護令龔燁走出心魔 兩人學識顧及對方感受 唔再互相傷害

龔水線派糖!若水默默守護令龔燁走出心魔 兩人學識顧及對方感受 唔再互相傷害

生活熱話 電視電影
By Jennifer on 30 Jan 2019
Digital Editor

呢兩日嘅《愛回家之開心速遞》龔水線大派糖啊!龔燁想搵傑叔報仇,而若水就一直喺佢身邊守候,呢兩集雖然講嘅係「龔燁復仇記」,但龔水嘅互動就令觀眾感受到角色嘅成長。

喺《龔燁復仇記》上集,龔燁同若水講咗自己細個同傑叔嘅往事,但自己始終無法原諒傑叔呃龔友,而熊若水知佢重視佢阿爸,於是就用佢爸爸勸佢放棄報仇。

《愛回家之開心速遞》Photo from 《愛回家之開心速遞》

《愛回家之開心速遞》Photo from 《愛回家之開心速遞》

而龔燁亦都有所動搖,更買埋餸上熊家添!佢仲喺若水旁邊瞓埋。

《愛回家之開心速遞》Photo from 《愛回家之開心速遞》

《愛回家之開心速遞》Photo from 《愛回家之開心速遞》

去到《龔燁復仇記》下集,本來已打算唔再復仇嘅龔燁,又一次俾傑叔呃咗,佢怒火中燒,而若水就去龔燁office安慰佢。

而龔燁本來覺得件事唔關若水事,但原來若水之前喺會所見過傑叔賭錢,但驚怪錯好人所以無講到出嚟。

龔燁知道咗就更嬲,想埋怨若水幾句,但最後都忍住。而且佢仲特登擰轉面叫阿水出去,因為佢怕自己嬲得滯鬧若水hurt到佢。

《愛回家之開心速遞》Photo from 《愛回家之開心速遞》

《愛回家之開心速遞》Photo from 《愛回家之開心速遞》

《愛回家之開心速遞》Photo from 《愛回家之開心速遞》

《愛回家之開心速遞》Photo from 《愛回家之開心速遞》

而阿水知道自己令龔燁受害都即刻補飛,搵返傑叔出嚟,甚至仲應徵做公關小姐添!

《愛回家之開心速遞》Photo from 《愛回家之開心速遞》

龔燁若水兩個人唔再好似之前咁,而係會為對方著想,忍一忍,或者做返啲嘢補救,令件事唔好再惡化落去,明顯睇到佢哋嘅改變。

而搵到傑叔地址之後龔燁踩上賓館嗰幕仲要係一鏡到底,成分鐘嘅長鏡頭,完美表現咗龔燁有幾嬲,而阿水拉住龔燁不時安撫下佢,等佢唔好咁激動,不得不讚導演、編劇、攝影師、演員嘅用心!

《愛回家之開心速遞》Photo from 《愛回家之開心速遞》

龔燁又掟紙又踢門咁,當時睇真係覺得佢會「黑化」,但佢竟然同傑叔講只係想同佢做返場戲,令龔燁爸爸安心。可能真係好似龔燁自己講咁同若水一齊得多,變咗好人。

《愛回家之開心速遞》Photo from 《愛回家之開心速遞》

《愛回家之開心速遞》Photo from 《愛回家之開心速遞》

《愛回家之開心速遞》Photo from 《愛回家之開心速遞》

呢兩集雖然唔算正面講龔水兩個嘅感情,但係喺呢件事上嘅處理方式度可以令觀眾感受到兩個角色嘅成長,佢哋唔再互相傷害,而係學識顧及對方感受。

若水喺失去理智嘅龔燁隔離阻止佢,將佢喺失控黑化嘅邊緣拉返返嚟,令龔燁擺脫心魔,其實都係派糖嘅兩集~

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel