有妹妹的人最幸福!研究:妹妹能凝聚家人拉近關係 令生活更快樂和健康!

有妹妹的人最幸福!研究:妹妹能凝聚家人拉近關係 令生活更快樂和健康!

Life 本地生活HotTalk 熱門話題
By PressLogic on 31 Jan 2019

唔少有哥哥或姐姐嘅妹妹都會予人一種超幸福、萬千寵幸嘅感覺,而身為哥哥或者姐姐不時可能會嫌妹妹煩,又要照顧佢、有時又要買嘢獎勵佢、仲有機會要做埋妹妹個出氣袋添啊!不過其實有妹妹嘅人先最有福,有研究指出,妹妹喺不知不覺間其實拉近咗家人間關係,仲會令人開心又健康!所以唔好再嫌佢煩啦~

Shutterstock
Photo from Shutterstock

根據英國格蒙福特大學以及愛蘭阿爾斯特大學共同成立嘅一個研究小姐指出,家庭成員當中有一名女孩子的話,一般而言對家庭成員嘅情緒會有正面幫助!而有妹妹嘅人喺生活上都會更開心同樂觀,仲有助促進身體健康啊!

Shutterstock
Photo from Shutterstock

研究中共訪問571位11-25歲受訪者,發現當中有妹妹嘅受訪者,通常會有一個相對較和諧以及平衡嘅家庭生活模式,而且家庭成員關係都會較好。而原因係由於妹妹有一種比起男性更強嘅凝聚力,有助將家庭成員凝聚一齊,拉近彼此關係之餘,仲可以幫助家人釋放情緒。

Shutterstock
Photo from Shutterstock

阿爾斯特嘅卡迪西教授表示,「妹妹可鼓勵家人開放溝通,而適當地表達情緒有助促進心理健康。由於男孩子比較不擅交際,很多事情都選擇避而不談,將事情藏於心裡,在家中或會因此而產生僵局,而妹妹這角色則可以打破這僵局」。而在研究中亦證明,有兄弟嘅快樂指數相對較低,而姊妹嘅快樂指數則較高。

Shutterstock
Photo from Shutterstock

而且係破碎家庭中長大嘅受訪者當中,妹妹呢一角色嘅優勢更為明顯!因為當父母離婚時,有妹妹嘅人會傾向與妹妹互助扶持,相對於兄弟而言,可能男性之間都會有種難而將感情表達出口嘅尷尬,因此有擅於表達情感嘅妹妹喺當中,相對會更令人感受到一種共同進退嘅感覺。

Shutterstock
Photo from Shutterstock

其實只要細心一諗,擁有妹妹嘅好處其實非常明顯,姊妹間可以一齊打扮、傾少女心事、行街,甚至一齊着同一件衫、互助幫大家化妝等,出雙入對非常引人羨慕!

Shutterstock
Photo from Shutterstock

而有妹妹嘅哥哥更有福啦!妹妹可以當一個長期戀愛軍師,可以教哥哥點樣識女仔、追求自己心儀對象;又或者情侶間吵架時,妹妹可以比意見,令男方了解女方嘅心態;節日快到嘅時候仲可以叫妹妹幫忙揀禮物比意見,所以有妹妹嘅哥哥真係超幸福啊!

Shutterstock
Photo from Shutterstock

雖然有時候妹妹可能好煩又情緒化,有時要花時間氹佢,不時又會爭寵等等,不過其實每個家庭成員嘅存在都絕對會為生活帶來快樂,可能會遇上唔愉快嘅時候,不過同妹妹一齊嘅時光,更多嘅絕對係無比快樂!所以各位家姐、哥哥,真係要好好珍惜啦!

圖片來源:Shutterstock
資料來源:unilad

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.spresslogic


Share to Facebook