洗滌心靈～阿虫老師告別後嘅首個畫展！告訴大家「加減乘除＝0」嘅人生道理～

好快就送舊迎新，真真正正踏入豬年！好多人、事、物都會從新開始，好多野都要斷、捨、離。想俾自己沉澱一下嘅話，不如嚟呢個畫展感受下「加減乘除＝0」嘅人生道理啦！

紗廠呢一度除左好多打卡點之外，仲有好多互動嘅體驗！
宜家到左新一年，呢度舉辦緊好有意義嘅畫展呀！

Photo from PressLogic

知名水墨畫家，阿虫老師雖然離開左我地，但係佢為大家留低左好多幅有意義嘅作品！
今次嘅畫展就係老師離世後第一個作品展，而主題就係「阿虫的算術人生路」！
俾大家細味阿虫同佢嘅算術人生觀，筆墨簡單淋漓，畫中有話，蘊含生活哲理，希望令大家閱後豁然開朗！

Photo from PressLogic

次展覽將有六個主題，分別為加（＋）、減（－）、乘（×）、除（÷）、等如（=）同埋零（0）～
而每一個看似熟識嘅符號主題，當中帶出嘅道理原來好正面！大家嚟參透下嘅話，可能對乏味嘅人生改觀添～

Photo from PressLogic

第一個主題-加（＋），代表左「不求回報+勇於嘗試=滿載⽽歸」！
老師話人生係一場長跑，累積嘅如果係重量同埋壓力，就會跑得唔暢快。阿虫建議試吓調節心態，邊跑邊欣賞周邊嘅風景、唔為自己設下太高嘅標準、敢於跑好眼前嘅路、就可以跑出自己的風格！

Photo from PressLogic

而第二個主題係減（－）係「現實 - 期望 = 快樂」！
阿虫眼中，減就是靈性嘅「斷捨離」，既可以卸下原本唔存在嘅包袱同無謂嘅期望，更可以騰出空間去尋找快樂，可以知道自己擁有物質以外的富足～

Photo from PressLogic

仲有乘（×）嘅主題，係一條心「1 的 n次⽅ = 1」嘅算術！
想大家明白「個人嘅力量有限，透過各種形式嘅合作，可以將力量倍增，事半功倍。」嘅道理；亦都帶出成為好朋友同伙伴係緣份，都係福氣，唔應該拘泥於你我，應多互相扶持，彼此尊重！

Photo from PressLogic

Photo from PressLogic

除（÷）嘅意思係「感恩 ÷ 滿⾜ = 喜悦」，因為阿虫話:「同其他人分享就係除!」。
時常感恩其他人曾同你分享他們擁有嘅野，有形無形都好，都可能係一個令你向上走嘅機會、或者係一個啟發你嘅看法！

Photo from PressLogic

而最後，等如（=）嘅意思係「快樂 = 沒不快樂」；零（0）嘅意思係「自我小 = 世界大」！
等號除左係搵到答案，仲代表尊重，相信你我都係平等，就要互相尊重！
而「0」就好玄，既係有，亦都代表冇；自我越澎漲，世界就越小，自我越細，世界就越大～

Photo from PressLogic

Photo from PressLogic

宜家好多人成日都覺得人生好難，每日都俾好多負面情緒包圍，不如嚟參透下阿虫留俾大家嘅人生哲理，轉過個新嘅心境去迎接迎一年啦！
同場仲有同紡織有關嘅打卡位，同埋慈善捐獻活動嫁，唔好錯過喇！

Photo from PressLogic

Photo from PressLogic

《「阿虫的算術人生路」作品展》
地點: 南豐紗廠紗廠坊地下
開放時間: 星期一至日 (上午10:00至下午08:00)
展期：即日起至 2019年3月3日

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）